ROMA 4:6 - KITTA' MATANGKASA'

⁶ Kamma tomminjo panggappana Daud; iaminjo saba'na nanapabattumo sallang mate'nena Daud mae ri tau nitarimaya a'jari tau nikarannuang ri atinNa Allata'ala, Natanijampangia panggaukang-panggaukang salana ke'nanga. Kammaminne kananna Daud,

ROMA 4:6 ပူးပေါင်းရင်းမြစ်များ

PAMMUJI 112:1

Pujimi Batara! Mate'nei tau mappilangngeria, mangngaia ri sikamma parentaNa Batara.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YEREMIA 22:6

Untu' iNakke, anjo balla' karaenna karaeng Yehuda ga'ga sikali, sangkammai ga'gana butta Gilead siagang moncong-moncong Libanon; mingka anjo tampaka laKupa'jari sangkamma parang lompo tenaya nanipammantangngi ri tau.

YEREMIA 33:16

Tu Yehuda siagang pandudu'na Yerusalem lanipasalamaki siagang laamangi lalang tallasa'na. Kota Yerusalem laniarengi ‘Batara Tumappasalamatta’.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

MATIUS 25:19

Sallo sikali le'ba'namo anjo, ammotere'mi anjo karaenga. Nappakkaramulamo assirekengang siagang ke'nanga.

ROMA 1:17

Nasaba' iaminjo Kabara' Bajika ampa'nassai angkana antekamma batena a'jari baji' ammotere' passisambunganna rupataua siagang Allata'ala. Carana, iamintu tappaki taua ri Allata'ala battu ri pakaramulanna sa'genna kala'busang. Kammaminjo niaka tattulisi' lalang ri Kittaka angkanaya, “Inai-nai tappa' ri Allata'ala sa'genna a'jari baji'mo ammotere' passisambunganna siagang Allata'ala, iami lattallasa'!”

ROMA 3:27

Lanri kammana, tenamo oloanta latinggi-tinggi pa'mai'. Angngapa nakamma? Nasaba' tenanamo nanigaukangi apa-apa tattulisika lalang ri hukkung-hukkung agama Yahudia? Teai! Passangalinna lanri tappattamo.

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

ROMA 4:24

passangalinna untu' ikatte ngaseng pole. Lanitarima tongki' a'jari tau nikarannuanga ri atinNa Allata'ala, lanri tappatta mae ri Allata'ala, le'baka ampattallasa' poleangi ammotere' Isa, Batarata, battu ri kamateanga.

ROMA 4:5

Mingka nia' tau tena nausaha kalenna napare' panna'gallang; passangalinna napappirannuangi kalenna mae ri Allata'ala, nasaba' Allata'alami allappassangi tau dorakaya battu ri dosa-dosana. Lanri iaminjo tappa'na nanitarimamo anjo taua a'jari tau nikarannuang ri atinNa Allata'ala.

ROMA 4:7

“Salamakko ri mate'nea tau nipammopporanga salana siagang dosa-dosana siagang le'baka nitarawang ri Allata'ala dosa-dosana!

ROMA 4:9

Maka tau mannurukiaji bawang ri atorang sunnaka natuju anne sallang mate'nea? Yareka natuju tongi tau tenaya namannuruki ri atorang sunnaka? Le'ba'mi kupau riolo, angkanaya nitarimami Abraham a'jari tau nikarannuang ri atinNa Allata'ala, lanri tappa'na Abraham mae ri Allata'ala.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

GALATIA 3:14

Nagaukammi Almasi kammaya anjo, sollanna nisare todong bansa-bansa maraenga barakka' le'baka Napa'janjiang Allata'ala mae ri Abraham. Jari, ikatte tau tappaka mae ri Allata'ala, akkulle tommaki' anggappai anjo Roh Napa'janjianga Allata'ala.

GALATIA 4:15

Sanna' te'nena pa'mai'nu anjo wattua. Mingka kamma-kamma anne, kemaemi anjo te'nenu? Kuassengi angkanaya anjo wattua ka'de' akkulle kapang, manna matannu ero' tonjako angkocciki assulu' nampa nupassareang mae ri nakke.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.

YAKOBUS 2:18

Gassingka nia' tau angkana, “Nia' tau tanjeng ri tappa'na siagang nia' todong tau tanjeng mae ri panggaukanna.” Lakukanamo ri ia, “Picinikiangsa' antekamma batena akkulle taua nikana tappa' mingka tena na'nyata lalang ri panggaukanna, nampa kupicinikiang todong lalang ri panggaukangku untu' ampa'nyatai angkanaya ma'nassa nia' tappakku.”

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.