ROMA 4:21 - KITTA' MATANGKASA'

²¹ Sanna' napatappa'na angkanaya laNarupai janjinNa Allata'ala.

ROMA 4:21 ပူးပေါင်းရင်းမြစ်များ

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

PAMMUJI 115:3

Allata'alata niaki ri suruga, Nagaukangi apa Nakaerokia.

YEREMIA 32:17

“O Batara Kaminang Tinggia, iKattemi ampa'jari langika siagang buttaya lanri koasa siagang kagassingang lompoTa. Tena apa-apa sukkara' mae ri Katte.

YEREMIA 32:27

“INakkemi Batara, Allata'alana sikontu rupataua. Tena apa-apa sukkara' mae ri Nakke.

MATIUS 19:26

Nicinikimi ke'nanga ri Isa; nampa Nakana Isa ri ke'nanga, “Anjo tena memang nantama' ri akkala'na rupataua. Mingka tena tamakkulle punna Nakaerokang Allata'ala.”

LUKAS 1:1

Natarimai tu nipakala'birikku Teofilus, Iaji kupabattuangki' angkanaya, jaimi tau le'ba' ansusung bajiki siagang antulisiki sikamma apa le'baka kajariang ri tangnga-tangngata.

LUKAS 1:37

Nasaba' punna Nakaerokang Allata'ala, tena apa-apa takkulle Napa'jari.”

LUKAS 1:45

Mate'ne mako, lanri tappa'nu angkanaya lakajariangi ri kalennu anjo Napabattua Batara ri kau!”

ROMA 14:4

Inaikoka antu sa'gennu akkulle angngadeli atanna tau maraenga? Natu'gurukka yareka nambangungka anjo ataya, anjo urusanna karaenna. Na memang lammentengi nai' anjo ataya, lanri Makoasai Batara ampamentengi nai'.

ROMA 14:5

Nia' tau angkana nia' allo attantu la'bi paralluanganga naallo-allo maraenganga; mingka nia' todong tau maraengang angkanaya yangasenna anjo allo-alloa sangkamma ngasenji. Boli'mi kamma, namassing napattantu panggappana taua.

ROMA 8:38

Nasaba' tappa' sikalia' angkanaya ri sikontu linoa, baji' nakamateang yareka katallassang, baji' namalaeka' yareka tu makoasaya, baji' tuntutang ri kamma-kammaya anne yareka tuntutang labattua sallang, yareka kakoasang maraengannaya;

2 KORINTUS 9:8

Makoasai Allata'ala assareko barakka' allumpa-lumpa, sollanna tena nukakurangang ri apa-apa nuparalluanga. Ba'lalo lakala'biangko, sollannu akkulle a'gau' baji' siagang appare' amala'.

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

IBRANI 11:13

Sikamma anjo ke'nanga tappa' ngasengi sa'genna mate. Tenapa natarimai ke'nanga anjo apa-apa Napa'janjianga Allata'ala, mingka poro nacini' bellaji ri pa'mai'na ke'nanga siagang panrannuang. Nalalang kammana anjo napappicinikammi ke'nanga angkanaya poro tau battu-battuji ke'nanga ri anne linoa.

IBRANI 11:19

Tappaki Abraham angkanaya koasai Allata'ala ampattallasa' poleangi Ishak battu ri kamateanga – jari akkulle nikana natarimami Abraham ammotere' Ishak battu ri kamateanga.