ROMA 4:14 - KITTA' MATANGKASA'

¹⁴ Nasaba' punna tau mannurukiaji bawang ri hukkung-hukkung agama Yahudia lantarimai apa Napa'janjianga Allata'ala, tena sikalimo matu-matunna taua tappa' ri Allata'ala; kammayatompa tena tommo matu-matunna anjo janjinNa Allata'ala.

ROMA 4:14 ပူးပေါင်းရင်းမြစ်များ

PAMMUJI 119:126

O, Batara, narapi'mi wattunTa angngalle tindakang, lanri nadakkai taua hukkunTa.

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

YEREMIA 19:7

Ri anne tampaka laKupassalasai sikontu rancanana tu Yehuda siagang pandudu'na Yerusalem. LaKubalang parekangi ke'nanga nibeta ri musu-musunna siagang nibuno lalang ri pa'bundukanga. LaKubalang parekangi maya'na ke'nanga nikanre ri jangang-jangang siagang olo'-olo' sekke'.

PAMMILANGNGANG 30:12

Mingka punna nipisangkai ri bura'nenna ri wattunna nalangngere' anjo passalaka, anjo bainea tenamo natassikko' ri tinja'na yareka janjinna. Lanipammopporangi ri Batara, lanri nipisangkaina ri bura'nenna.

PAMMILANGNGANG 30:15

Punna ri bokoangallo natanapa'jaria bura'nenna tinja'na yareka janjinna anjo bainenna, iaminjo bura'nenna musti antanggongi kale'bakkang kodina lanri tanapa'jarina anjo passalaka.

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

ROMA 4:16

Jari lanri tappa'naji taua mae ri Allata'ala nania' anjo janjinNa Allata'ala. Iaminjo a'jari pammatei mattantua mae ri sossoranna Abraham, angkanaya nisareang bawang-bawanji ke'nanga anjo janjia battu ri Allata'ala; teai untu' tau mannurukiaji bawang ri hukkung agama Yahudia, passangalinna untu' tau tappaka pole ri Allata'ala, sangkamma tappa'na Abraham mae ri Allata'ala. Nasaba' iaminjo Abraham bapa' rohanita ngaseng.

1 KORINTUS 1:13

Masakang ta'bage-bagei Almasi? Tena nale'ba' nisalli' Paulus untu' ikau! Sai tena todong nanije'nekko untu' a'jari tumminawanna Paulus?

GALATIA 2:21

Tena nakubalang parekangi anne pangngamaseanNa Allata'ala. Punna a'jari baji' ammotere' passisambunganna taua siagang Allata'ala lanri nagaukanna hukkung-hukkung agamaya, a'jari tenamo matu-matunna kamateanNa Isa mae ri kalenna!

GALATIA 5:4

Punna erokko assibajiki ammotere' siagang Allata'ala tete ri hukkung-hukkung agamaya, battuanna a'jari tappu'mi passisambungannu siagang Almasi. Jari pantarang pangngamaseanNa mako Allata'ala attallasa'.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

IBRANI 7:19

Takkulleai hukkung agama Yahudia ampa'jari sukkuki baji'na se'rea apa-apa. Lanri kammanami anjo nakinisaremo kamma-kamma anne panrannuang la'bi bajikanganga; iaminjo patteteang nakiakkulle a'reppese' mae ri Allata'ala.

IBRANI 7:28

Hukkung agama Yahudia angngangkaki tau tenaya nasukku' baji'na a'jari imang lompo. Mingka ribokoanganna, battu ri ia anjo hukkung-hukkunga appare'mi janji siagang assumpami Allata'ala angkanaya Naangkaki a'jari Imang Malompo, anjo Ana' le'ba'ka nipa'jari Tumappasalama' sukkuka baji'na sa'genna satunggu-tungguna.