ROMA 4:12 - KITTA' MATANGKASA'

¹² A'jari tommi Abraham bapa' rohanina tau anturukiai atorang sunnaka. A'jari bapa' rohanimi ri ke'nanga, teai lanri naturukinna bawang ke'nanga atorang sunnaka, passangalinna lanri tappa'na todong ke'nanga mae ri Allata'ala, sangkamma todong Abraham ri wattunna tenapa naturuki atorang sunnaka.

ROMA 4:12 ပူးပေါင်းရင်းမြစ်များ

AYUB 33:11

Narantei bangkengku; siagang Najannangngi gio'-giokku.’

PAMMUJI 47:9

Ammempoi Allata'ala irate ri empoang kala'birang matangkasa'Na; ammarentai mae ri bansa-bansaya.

PANGNGEBARANG 2:20

Lanri kammana ana' pinawang laloi bate tallasa'na tau bajika, siagang attallasakko situru' ero'Na Allata'ala.

KELONG MALA'BIRI' 1:8

Masakang tanuassengai tampa'na, he tuga'gaya ri sikamma bainea? Pinawang mami bate bangkenna gimbalaka, na kalawakimi sikamma bembenu ri ampi' kemana sikamma pakalawakia.

YEHEZKIEL 33:24

“He tau, anjo sikamma tau ammantanga ri rumbanna kota-kotaya ri butta Israel nakanai, ‘Abraham anggappai anne sikontu buttaya, padahala' ia poro kale-kalennaji bawang. Ikatte anne jaiki', jari anne buttaya ikatte pata.’ ”

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

ROMA 4:13

A'janjimi Allata'ala mae ri Abraham siagang sossoranna, angkanaya anne linoa la'jari warisi'nai Abraham. Na'janji kamma anjo Allata'ala teai lanri naturukinna Abraham hukkung-hukkung agama Yahudia, passangalinna lanri tappa'na mae ri Allata'ala sa'genna nitarimamo a'jari tau nikarannuang ri atinNa Allata'ala.

2 KORINTUS 12:18

Kusuromi Titus a'lampa angkunjungiko, siagang kusuro tongi anjo sari'battang Karisteng maraenga anrurungangi. Maka nia' passawallang naalle Titus battu ri kau? Inakke siagang Titus a'julu pa'maikka' anjama-jama, siagang sangkamma-kammai bateku anjama!

1 PETRUS 2:21

Untu' iami anjo naNakiokko Allata'ala. Nasaba' KalenNa Almasi le'ba' tommi angkasiaki kasessanga untu' ikau; na lalang kammana anjo Nasare mako conto sollanna nuturuki bateNa.