ROMA 4:10 - KITTA' MATANGKASA'

¹⁰ Jari, maka ringngapanna nanitarimai Abraham ri Allata'ala? Ri wattu tenanapa yareka ri wattu le'ba'napa nisunna'? Memang, ri wattu tenanapa nanisunnaki, teai ri wattu le'ba'napa.

ROMA 4:10 ပူးပေါင်းရင်းမြစ်များ

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PA'JARIANG 17:10

Ikau siagang sikontu turungannu bura'nea musti nisunna' ngasengko.

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

ROMA 4:9

Maka tau mannurukiaji bawang ri atorang sunnaka natuju anne sallang mate'nea? Yareka natuju tongi tau tenaya namannuruki ri atorang sunnaka? Le'ba'mi kupau riolo, angkanaya nitarimami Abraham a'jari tau nikarannuang ri atinNa Allata'ala, lanri tappa'na Abraham mae ri Allata'ala.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

GALATIA 6:15

Nisunnaki taua yareka tena, anjo tenamo naparallu. Ia parallua, iamintu a'jaria tau beru.