ROMA 3:31 - KITTA' MATANGKASA'

³¹ Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

ROMA 3:31 ပူးပေါင်းရင်းမြစ်များ

PAMMUJI 119:126

O, Batara, narapi'mi wattunTa angngalle tindakang, lanri nadakkai taua hukkunTa.

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

YESAYA 42:21

Mangngellai Batara appasalama'; Nakellai nipakalompo siagang nipakala'biri' hukkunNa.

MATIUS 15:6

anjo tau kammaya tenamo nakkulle nikellai dudu ampakala'biriki tau toana. Jari lanri ada'-ada'na tu riolonu nanubalang parekang kana-kana Napangngajarranga Allata'ala.

MATIUS 3:15

Mingka appialimi Isa Nakana, “Boli'mi kamma rolong ri kamma-kammaya anne. Nasaba' lanri kammana minjo nanigaukang ngaseng sikamma Nakaerokia Allata'ala.” Jari nije'ne'mi Isa ri Yohanes.

MATIUS 5:17

“Teako sala pahang kanukana battuA' assuro pelaki atorang agama napabattua Musa siagang napangngajarranga na'bi-na'bia. Tena naKubattu assuro pelaki, passangalinna eroki Kupakasingara' battuanna sitojennaya.

MATIUS 5:20

Jari u'rangi anne: Takkulleako a'jari umma'Na Allata'ala, punna tena nabajikangang batenu anggaukangi ero'Na Allata'ala naanjo guru-guru agamaya siagang tu Farisia!”

LUKAS 20:16

Tantu labattui nanabuno ngaseng anjo pajamaya, nampa napappitesangang anjo kokonna mae ri pajama maraenga.” Nalangngere'na akkana kamma Isa, nakanamo ke'nanga ri Isa, “Tapporo tena sikali nakamma!”

ROMA 10:4

Anjo hukkung-hukkung agamaya le'ba'mi Napa'ganna' Almasi. Jari inai-nai tappa' mae ri Almasi, a'jari baji'mi ammotere' passisambunganna siagang Allata'ala.

ROMA 2:20

ikaumi gurunna tau bodo pikkiranga, siagang gurunna tau tenayapa nappikkiri' tau toa. Tappakko angkanaya lanri nuassenna anjo hukkung agama Yahudia, jari nia' ngasemmi ri kau sikamma pangngassenganga siagang pangngajarang katojenganga.

ROMA 3:4

Mattantu tena! Nasaba' ma'nassami angkanaya tuli annabai Allata'ala, manna pole a'jari paballe-balle ngasemmi rupataua. Sangkamma niaka lalang ri Kittaka tattulisi' angkanaya, “Poro a'butti laloi katojengannu ilalang ri kana nupabattua, nummeta punna narapi' wattunnu niadeli.”

ROMA 3:6

Tena sikalia! Nasaba' punna tena Naadele' Allata'ala, maka antekamma bateNa lakkulle angngadeli anne linoa?

ROMA 4:14

Nasaba' punna tau mannurukiaji bawang ri hukkung-hukkung agama Yahudia lantarimai apa Napa'janjianga Allata'ala, tena sikalimo matu-matunna taua tappa' ri Allata'ala; kammayatompa tena tommo matu-matunna anjo janjinNa Allata'ala.

ROMA 7:22

Atingku lalang nangai apa-apa Napassuroanga Allata'ala,

ROMA 8:4

Kammaminjo Nagaukang Allata'ala, sollanna akkulle nigaukang anjo apa-apa Nakaerokia lalang ri hukkung-hukkung agama Yahudia, lalang ri batangkalenta ikatte tau mannurukia mae ri RohNa Allata'ala, jari teai mannurukia mae ri sipa'-sipa' ma'rupatauta.

1 KORINTUS 9:21

Kupa'jari kalengku sanrapang teaia' tu Yahudi, tenaya natarimai hukkung napabattua Musa. Mingka tena nakutamannurukia ri hukkung-hukkunNa Almasi. Iaji kuappakamma anjo sollanna akkulle kuerang tau kammaya ngaseng anjo mae ri Almasi.

GALATIA 2:19

Mingka le'ba'ma' mate mae ri hukkung-hukkung agamaya – iaminjo hukkung agamaya ambunoa' – sollangku akkulle attallasa' untu' Allata'ala. Le'ba'ma' nipasisalli' siagang Almasi.

GALATIA 2:21

Tena nakubalang parekangi anne pangngamaseanNa Allata'ala. Punna a'jari baji' ammotere' passisambunganna taua siagang Allata'ala lanri nagaukanna hukkung-hukkung agamaya, a'jari tenamo matu-matunna kamateanNa Isa mae ri kalenna!