ROMA 3:3 - KITTA' MATANGKASA'

³ Mingka antekamma punna nia' sitangnga tu Yahudi tena namajarre'? Maka iaminjo passabakkang nala'jari talajarrekamo Allata'ala?

ROMA 3:3 ပူးပေါင်းရင်းမြစ်များ

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

YOHANES 1:16

Lompoi ri pangngamaseang; tena le'bakai ammari, assare barakka' ri katte.

ROMA 10:16

Mingka tayangasenna taua antarimai anjo Kabara' Bajika. Nasaba' nakana Na'bi Yesaya, “O, Batara, inaika tau ampatappaki biritta napabattua ikambe?”

ROMA 11:29

Nasaba' punna Napilei Allata'ala anjo taua siagang Nabarakkaki, tale'bakai Nabeso' ammotere' anjo apa le'baka Nagaukang.

ROMA 9:6

Tena nalakukana tenamo natappake janjinNa Allata'ala; mingka tena nasikontu bansa Israelka nipile ri Allata'ala a'jari umma'Na.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

2 TESALONIKA 1:3

Sikamma sari'battangku; tena tappu'na appala' sukkuru' ikambe mae ri Allata'ala lanri ikau ngaseng. Na memang, siratang memang tongi appala' sukkuru' ikambe, lanri pila' tappa' ngasengko mae ri Almasi, siagang pila' massing sikamaseangko.

2 TIMOTIUS 2:13

Punna tamajarrekaki' Ia tuli majarreki, nasaba' takkulleai assisala siagang KalenNa.”

IBRANI 4:2

Nasaba' sangkamma mae ri ke'nanga, anjo Kabara' Bajika le'ba'mi nibirittakang mae ri katte. Mingka tena matu-matunna nipabattu anjo birittaya mae ri ke'nanga. Nasaba' tena natappa' ke'nanga ri wattunna nalangngere' anjo birittaya.

1 SAMUEL 15:29

Allata'alana Israel Ia Mala'birika tena Na'balle-balle, siagang tena todong naNapinrai pikkiranNa, lanri Ia teai rupatau.”