ROMA 3:27 - KITTA' MATANGKASA'

²⁷ Lanri kammana, tenamo oloanta latinggi-tinggi pa'mai'. Angngapa nakamma? Nasaba' tenanamo nanigaukangi apa-apa tattulisika lalang ri hukkung-hukkung agama Yahudia? Teai! Passangalinna lanri tappattamo.

ROMA 3:27 ပူးပေါင်းရင်းမြစ်များ

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

MARKUS 16:16

Na inai-nai tatappaka, lanihukkungi. Mingka inai-nai tappa' na nije'ne', iami lanipasalama'.

YOHANES 3:36

Inai-nai ampatappaki anjo Anaka, iami langgappai katallassang satunggu-tunggua. Mingka inai-nai tamannurukia ri anjo Anaka, talanagappayai katallassanga. Iami lanihukkung ri Allata'ala sa'genna satunggu-tungguna.

ROMA 10:5

Natulisiki Musa angkanaya inai-nai assibajiki siagang Allata'ala situru' hukkung-hukkung agamaya, iami lattallasa' lanri mannurukinna mae ri anjo hukkung-hukkung agamaya.

ROMA 11:6

Napilei Allata'ala ke'nanga lanri pangngamaseanNa bawang, jari teai lanri panggaukanna ke'nanga. Nasaba' punna lanri panggaukang baji'na naNapilei Allata'ala rupataua, teaimi pangngamaseang tojeng-tojeng anjo pangngamaseanNa Allata'ala.

ROMA 2:17

Mingka kamma-kamma anne, antekamma ri kalennu ngaseng sari'battang? Mangakuko angkana tu Yahudiko. Anna'galakko mae ri hukkung agama Yahudia siagang tinggi pa'maikko lanri passisambungannu siagang Allata'ala.

ROMA 2:23

Tinggi pa'maikko lanri nukana niaki ri kau hukkunNa Allata'ala, iamintu le'baka napabattu Musa; mingka kalennu anghinai Allata'ala lanri tenana nugaukangi anjo apa-apa Napassuroanga!

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

ROMA 3:26

Mingka kamma-kamma anne Natuntu'mi Allata'ala dosa-dosaya, lanri ero'na Napa'butti kaadelanNa. Kammaminjo carana, naNapappicinikammo katojenganNa; na inai-nai tappa' mae ri Isa, Napa'nyatami mae ri anjo taua angkanaya assibajikimi ammotere' siagang Allata'ala.

ROMA 4:2

Punna lanri apa-apa nagaukanga nakkulle nitarima ri Allata'ala a'jari tau nikarannuang ri atinNa Allata'ala, tantu nia'ja alasanna untu' latinggi pa'mai'. Mingka takkulleai tinggi pa'mai' ri dallekanNa Allata'ala.

ROMA 7:21

Jari, kubodoimi kanangku angkanaya iaminjo hukkung-hukkunga angngatoroki kalengku: iamintu angkanaya punna erokka' anggaukangi apa bajika, kajarianna apa ja'dalakaji ammumba ri kalengku.

ROMA 7:23

mingka kuassengi angkanaya nia' todong hukkung maraeng lalang ri kalengku angngatoroki kalengku – iamintu hukkung assisalaya siagang hukkung natarimaya pikkirangku. Iaminjo saba'na nakutassikko'mo mae ri hukkung dosa makoasaya mae ri kalengku.

ROMA 8:2

Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

ROMA 9:11

Ri wattu tenanapa nanilassukangi anjo ana' ruaya, le'ba' memammi Napattantu Allata'ala ana' lanipilea sallang. Anjo pammileNa Allata'ala tena nabattu ri panggaukanna rupataua, passangalinna battu ri ero' pakkio'Na bawang Allata'ala. Nasaba' ri wattunna tenapa nangngasseng a'gau' baji' yareka a'gau' kodi anjo ruaya ana'na Ribka,

ROMA 9:31

Mingka bansa Yahudia tuli nausahai anturuki hukkunga sollanna a'jari baji' ammotere' passisambunganna siagang Allata'ala. Mingka kale'bakkanna tena wassele'na.

ROMA 9:32

Angngapa natena wassele'na ke'nanga? Nasaba' tena nanagaukangi ke'nanga lanri tappa'na ri Allata'ala, passangalinna lanri usaha kalennaji ke'nanga. Jari iaminjo saba'na natu'guru' tatto'ro ke'nanga ri “Batu Pattatto'roanga”.

1 KORINTUS 4:7

Inaika ampa'jariko malompoangang na tau maraenga? Sai yangaseng-ngasenna sangnging apa-apa nutarimaji battu ri Allata'ala. Jari angngapa nanuero' ampattampo-tampoangi kalennu, sangkamma le'ba' angkana anjo apa-apa niaka ri kau teai apa-apa nutarima?

GALATIA 2:16

Mingka niassengi angkanaya lanri tappa'na taua mae ri Isa Almasi nakkulle assibajiki ammotere' siagang Allata'ala; teai lanri nagaukanna hukkung-hukkung agamaya. Ikambe pole, tappa' tommaki' mae ri Isa Almasi; sollanta akkulle assibajiki ammotere' siagang Allata'ala tete ri anjo matappatta. Jari teai lanri kigaukanna hukkung-hukkung agamaya. Nasaba' tena manna sitau lakkulle assibajiki ammotere' siagang Allata'ala lanri nagaukanna hukkung-hukkung agamaya.

GALATIA 3:22

Mingka nia' tattulisi' lalang ri Kittaka angkanaya nikoasai ngasemmi sikontu rupataua ri dosaya. Lanri kammana, anjo passare nipa'janjianga nipassareangi mae ri tau tappaka, lanri tappa'na ke'nanga mae ri Isa Almasi.