ROMA 3:25 - KITTA' MATANGKASA'

²⁵ Nakoro'bangkangi Allata'ala anjo Isa Almasi; sollanna, lanri kamateanNa anjo Isa Almasi, nilappassammi rupataua battu ri dosa-dosana, punna tappa'ja ke'nanga mae ri Isa Almasi. Nagaukammi Allata'ala kammaya anjo, lanri eroki Napappicinikang kaadelanNa. Nasaba' ri wattu allaloa, Nasa'barrammi Allata'ala dosa-dosana rupataua, sa'genna tena naNahukkungi ke'nanga.

ROMA 3:25 ပူးပေါင်းရင်းမြစ်များ

PAMMUJI 119:142

KaadelanTa attahangi satunggu-tungguna, siagang tulusu' tojenna hukkunTa.

PAMMUJI 22:31

Sikamma turungang ri bokoa lanynyombai ri Batara, lanibirittakangi sa'genna sikamma turungang ri bokoa.

PAMMUJI 40:10

Lalang pa'rappunganna ummatTa kupabattui kabara' bajika angkanaya iKatte le'ba' ampasalamaki ikambe. Tena ammarina kupabattu anjo passalaka, Kiasseng ngasengi anjo sikammaya, o, Batara.

PAMMUJI 50:6

Langika angkabarrangi angkanaya Naadeli Allata'ala umma'Na, angkana KalenNa Allata'ala hakinna.

PAMMUJI 97:6

Langi' angkabarrangi kaadelanNa, na sikontu bansaya anciniki kala'biranNa.

PAMMUJI 98:2

Nakabarrang Batara pammetanNa; napa'nyatai kaadelanNa mae ri bansa-bansaya.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

KAIMANGNGANG 16:10

Bembe nipilea untu' Azazel musti niboli' attallasaki ri dallekanNa Batara nampa nibongka mange ri parang lompoa untu' Azazel, sollanna nitangkasi dosa-dosana umma' Israel.

KAIMANGNGANG 16:15

Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.

YOHANES 6:47

Assengi angkanaya: Inai-nai tappa', iami anggappai katallassang satunggu-tunggua.

LAMPA-LAMPANA 14:16

Ri jammang allaloa Nacini'-ciniki Allata'ala bansa-bansaya anggaukangi ri tallasa'na apa-apa ero' kalenna.

LAMPA-LAMPANA 15:18

le'baka Napabattu memang ri jammang riolo.”

LAMPA-LAMPANA 17:30

Anjo wattu kadongokanta Nakaluppaimi Allata'ala, mingka kamma-kamma anne Nasuromi toba' battu ri dosa-dosana sikontu rupataua ri lino.

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

LAMPA-LAMPANA 3:18

Na lanri kammana tomminjo, na'rupamo apa le'baka Napabattu riolo Allata'ala lalang ri na'bi-na'biNa, angkanaya musti lanisessai anjo Karaeng Mappasalama' nipa'janjianga.

LAMPA-LAMPANA 4:28

Asse'remi ke'nanga ero' a'gau' sangka' rupa, situru' apa le'baka Kipattantu angkanaya lakajariang memangi anjo kammaya. Na lanri koasa KalenTa siagang ero' KalenTa naKipattantu anjo apa lakajarianga.

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

ROMA 3:26

Mingka kamma-kamma anne Natuntu'mi Allata'ala dosa-dosaya, lanri ero'na Napa'butti kaadelanNa. Kammaminjo carana, naNapappicinikammo katojenganNa; na inai-nai tappa' mae ri Isa, Napa'nyatami mae ri anjo taua angkanaya assibajikimi ammotere' siagang Allata'ala.

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.

ROMA 5:11

Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

ROMA 5:18

Jari, sangkamma angkanaya passabakkang kasalang se're tau nanihukkung sikontu rupataua, kamma tomminjo, passabakkang se're tau anggaukangi ero'Na Allata'ala nanilappassammo sikontu rupataua battu ri dosana nampa nisare katallassang.

ROMA 5:9

Kamma-kamma anne assibajiki maki' ammotere' siagang Allata'ala lanri kamateanNa Isa Almasi; lanri kammana, mattantu tommi lanipasalamatta battu ri pangngalarroinNa Allata'ala lanri Isa Almasi.

1 KORINTUS 5:7

Pelaki rolong anjo pa'gambang salloa, iamintu dosaya, sollannu a'jari sanrapang labu' berua nileo', tangkasaka battu ri pa'gambanna dosa salloa. Nakuasseng angkanaya kamma mako anjo, lanri sadiami passua'-suarrang allo Paskata: Almasi a'jari sanrapang gimbala' Paska, le'baka nikoro'bangkang.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

EFESUS 1:7

Nasaba', nilappassang maki' ri Allata'ala, lanri kamateanNa Almasi; battuanna le'ba'mi nipammopporang dosa-dosata.

EFESUS 2:13

Mingka kamma-kamma anne asse're mako siagang Isa Almasi. Riolo bellako, mingka kamma-kamma anne nipa'reppese' mako, lanri kamateanNa Almasi.

1 TIMOTIUS 1:15

Kontu tojengi anne bicaraya; jari siratangi nitarima siagang nipatappa' tojeng-tojeng, angkanaya: “Battui Isa Almasi antama' ri anne linoa untu' ampasalamaki tau dorakaya.” Na inakkemi anne tau doraka kaminang ja'dalaka.

IBRANI 10:4

Nasaba' tena memang nakkulle anjo cera' sapia siagang cera' bembe lakia ampa'lanynyaki dosaya.

IBRANI 11:14

Sikamma tau akkana kammaya napakasingara' baji'mi angkanaya a'boyai ke'nanga pa'rasangang lanapa'jaria butta pa'rasanganna ke'nanga.

IBRANI 11:17

Lanri tappa'na todong, nanapassareammo Abraham ana'na, iamintu Ishak, a'jari koro'bang, ri wattunna niso'ri tappa'na ri Allata'ala. Le'ba'mi nijanji Abraham ri Allata'ala mingka narellakang tonji Abraham anjo ana' sitau-taua.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

IBRANI 9:5

Irateanganna anjo Pattia nia' rua patong malaeka' akka'nyika, a'jaria pangngebarang ri kahaderanNa Allata'ala. Anjo ruaya ka'nyi'na patung malaekaka tassungkei irateanganna anjo pattongko' Pattia, iamintu tampa' pammopporanna dosa-dosaya. Mingka takkullea ngasengi anjo sikammaya nipakasingara' apa battuanna sa'genna a'jari singara' tojeng-tojeng.

1 YOHANES 1:10

Mingka punna angkanaki' tena kidoraka, sangkammami angkanaya nibilang paballe-ballei Allata'ala; battuanna tenamo niboliki ri atinta kananNa Allata'ala.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

1 YOHANES 4:10

Iaminne pangngamaseanga: Teai ikatte le'ba' angkamaseangi Allata'ala, mingka Allata'ala angkamaseangki' siagang Nasuroi battu Ana'Na sollanna tete ri Ia nanipammopporang dosa-dosata.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.