ROMA 3:19 - KITTA' MATANGKASA'

¹⁹ Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

ROMA 3:19 ပူးပေါင်းရင်းမြစ်များ

AYUB 5:16

Anne kamma nia' pole pa'minasang mae ri tau tenaya pa'minasana. Na'mereki tamakkana-kana tau ja'dalaka, lanri nitongko' bawana ri Allata'ala.

PAMMUJI 107:42

Niciniki ri tau lambusuka na rannu, mingka tau ja'dalaka nitongkoki bawana.

PAMMUJI 63:11

Lamatei ke'nanga lalang pa'bundukang, siagang la'jari kanrenai olo'-olo' pakanre dagenga.

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

YOHANES 8:9

Nalangngere'na ke'nanga akkana kamma Isa, a'lampa tasse're-se'remi ke'nanga ambokoi anjo tampaka, appakkaramula kaminang toaya. Kala'busanna Isa mami ammantang siagang anjo bainea ammenteng ri pammentenganna.

ROMA 1:20

Appakkaramula battu ri wattu Napa'nia'na Allata'ala linoa, anjo sipa'Na Allata'ala tenaya nakacinikang, iamintu sipa' Allata'alaNa siagang kakoasanNa tamamminraya, akkullemi napahang rupataua lalang ri sikontu apa Napa'niaka. Jari tena sikalimo alasanna rupataua untu' lampattojengi kalenna.

ROMA 3:2

Mattantu jai matu-matunna! Lomoro' se're, nasaba' tu Yahudiami Napappirannuangi Allata'ala anjo kana-kananNa.

ROMA 3:23

sikontu rupataua doraka ngasemmi siagang bellami battu ri Allata'ala, akkullea ampasalamaki ke'nanga.

ROMA 3:4

Mattantu tena! Nasaba' ma'nassami angkanaya tuli annabai Allata'ala, manna pole a'jari paballe-balle ngasemmi rupataua. Sangkamma niaka lalang ri Kittaka tattulisi' angkanaya, “Poro a'butti laloi katojengannu ilalang ri kana nupabattua, nummeta punna narapi' wattunnu niadeli.”

ROMA 3:9

Jari, maka la'bi bajikangangi empoanta ikatte tu Yahudia na empoanna bansa-bansa maraenga? Tena sikalia! Le'ba'mi kupau angkanaya, baji' tu Yahudi yareka tu battua ri bansa-bansa maraenga, nikoasai ngasemmi ri dosaya.

1 KORINTUS 1:29

Sollanna punna kamma anjo, tenamo manna sitau akkulle ampattampo-tampoangi kalenna ri dallekanNa Allata'ala.

GALATIA 3:10

Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

GALATIA 4:21

Inai-nai ero' attallasa' irawangang kakoasanna hukkung-hukkung agamaya, pilangngerimi anne kanangku! Erokko kupauang apa sitojenna tattulisika lalang ri Kitta' Hukkung napassareanga Musa.

GALATIA 4:5

Lanri kammanami anjo naNalappassammo sikamma tau attallasaka irawangang kakoasanna hukkung agamaya; sollanta akkulle todong a'jari ana'-ana'Na Allata'ala.

GALATIA 5:18

Mingka punna Napimpingko RohNa Allata'ala, tenamo nukkulle nakoasai hukkung-hukkung agamaya.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.