ROMA 3:1 - KITTA' MATANGKASA'

¹ Jari punna kamma, apami upa'nu a'jari tu Yahudi? Siagang apami matu-matunnu anturuki anjo atoranna sunnaka?

ROMA 3:1 ပူးပေါင်းရင်းမြစ်များ

PA'JARIANG 25:32

Nakanamo Esau, “Talakujampangi anjo ha' kammaya ri kalengku. Kamma lamatea' kusa'ring napakamma cipuru'!”

PAMMUJI 147:20

Tena Nagaukangi kammaya mae ri bansa-bansa maraenga, tena naassengi ke'nanga hukkung-hukkunNa. Pujimi Batara!

KATO'BA 6:11

Pila' salloi a'gea', pila' tena anggaranna kana-kananna, ba'lalo tena apa-apa passawallang nagappa.

KATO'BA 6:8

Jari, apa kaupakkanna tau cara'deka punna nipasinrapang siagang tau toloa? Apa todong matu-matunna punna baji' gau'na tu kasi-asia ri tangnga-tangngana tau jaia?

MALEAKHI 3:14

Nukana ngaseng, ‘Tena matu-matunna taua anynyomba ri Allata'ala. Apa matu-matunna nigaukang kawajibanta mae ri Batara Kaminang Koasaya, yareka nipappicinikang mae ri Ia angkanaya assesse' lalang maki' ri kasalanta?

YOHANES 4:22

Ikau ngaseng tu Samariaya, apa-apa tenaya nuassengi nualle nusomba. Mingka ikatte tu Yahudia, anynyombaki' mae ri Allata'ala niassenga, nasaba' battu lalangi ri tu Yahudia lammumba kasalamakkanga.

ROMA 3:2

Mattantu jai matu-matunna! Lomoro' se're, nasaba' tu Yahudiami Napappirannuangi Allata'ala anjo kana-kananNa.

ROMA 3:9

Jari, maka la'bi bajikangangi empoanta ikatte tu Yahudia na empoanna bansa-bansa maraenga? Tena sikalia! Le'ba'mi kupau angkanaya, baji' tu Yahudi yareka tu battua ri bansa-bansa maraenga, nikoasai ngasemmi ri dosaya.

1 KORINTUS 15:32

Punna untu' pakkalinoang bawang nakunisessa angngewai sanrapang olo'-olo' nye'nyereka anrinni ri Efesus, apa passawallang lakugappa? Punna tena memang todong nalanipattallasa' poleang ammotere' tau matea, bajikangangi: “Maeko nakiangnganre-angnginung siagang assannang-sannang, nasaba' ammuko lamate mangkajaki'”; kammami anjo paruntu' kanaya.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.