ROMA 2:9 - KITTA' MATANGKASA'

⁹ Sikamma tau nangaia a'gau' ja'dala', iami lapanra' siagang lasessa; uru-uruna tu Yahudia, nampa pole bansa-bansa maraenga.

ROMA 2:9 ပူးပေါင်းရင်းမြစ်များ

2 PATTOTTORANG 6:23

o, Batara, poro Kipilangngeri laloi battu ri suruga nampa Kitappuki parkarana anne ata-atanTa. Kihukkungi salaya nampa Kilappassang tenaya nasala.

PAMMUJI 32:10

Tu dorakaya nitujui ri jai sessa; mingka tu manrannuanga ri Batara tuli nila'langi lalang pangngamaseanNa.

PANGNGEBARANG 11:23

Kaerokanna tau bajika langngerangi kabajikang, mingka akkullea narannuang tau ja'dalaka iamintu pangngalarroi bawang.

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

YEHEZKIEL 22:31

Lanri kammana anjo kamma-kamma anne Kupabattumi pangngalarroingKu mae ri ke'nanga, siagang rapang pepe' laKupanraki ke'nanga lanri sikontu panggaukanna ke'nanga. INakke, Batara Kaminang Tinggia, anne akkana.”

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;

LAMPA-LAMPANA 20:21

Baji' namae ri tu Yahudia, yareka mae ri bansa-bansa maraenga, tuli kupakainga' ngasemmi sollanna massing toba', battu ri dosa-dosana ke'nanga nabattu mae ri Allata'ala siagang tappa' mae ri Isa.

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

LAMPA-LAMPANA 28:17

Narapiki tallungallo nia' ri Roma, nasuro kio'mi Paulus pamimping-pamimpinna tu Yahudia anjoreng. A'rappunganna ngasemmo ke'nanga, nakanamo Paulus mae ri ke'nanga, “Sikamma sari'battangku! Tena apa-apa kasalangku mae ri bansata, yareka mae ri ada'-ada' nitarimaya battu ri boe-boeta. Mingka manna natena salaku nijakkala' tonja' ri Yerusalem, nampa nipassareanga' mae ri tu Romaya.

LAMPA-LAMPANA 28:28

Kala'busanna, nakanamo Paulus, “Musti nuasseng ngasengi sari'battang, angkanaya nipabattumi anne kabara' kasalamakkang battua ri Allata'ala mae ri bansa-bansa maraenga. Nalanapinawammo ke'nanga anne kabaraka!” [

LAMPA-LAMPANA 3:26

Iaminjo saba'na naNapattantumo Ana'Na Nasuro rolong battu mae ri kau, sollanna naNabarakkakiko. Ia bateNa ambarakkakiko, iamintu Napa'jari tobakko battu ri kaja'dallanga lalang ri katallassannu.”

ROMA 1:16

Inakke tappa' sikalia' mae ri anjo Kabara' Bajika, lanri iaminjo kabara' kakoasanNa Allata'ala eroka ampasalamaki sikontu tau tappaka; uru-uruna iamintu bansa Yahudia, nampa bansa maraenga pole.

ROMA 10:12

Anne nataba ngasengi sikontu rupataua; nasaba' tena simmaraenna tu Yahudia siagang bansa-bansa maraenga. Anjo Allata'ala se'rea, Bataranai sikontu rupataua. Napassareangi barakka'Na alla'bia jaina mae ri sikamma tau appala' tulunga mae ri Ia.

ROMA 2:10

Mingka sikamma tau nangaia a'gau' baji' lanisarei kala'birang, siagang kalompoang kammayatompa katallassang salewangang ri Allata'ala; uru-uruna mae ri tu Yahudia, kammayatompa mae ri bansa-bansa maraenga.

ROMA 8:35

Maka inai lakkulle ampisangkai Almasi angkamaseangki'? Maka akkullei kasusaanga yareka kasukkaranga, yareka passessaya, yareka kacipuranga, yareka kakasi-asianga, yareka bahayaya, yareka kamateanga, ampisangkai Almasi angkamaseangki'?

ROMA 9:24

Ikattemi le'baka Nakio', tena nabattu ri bansa Yahudia bawang, mingka battu ri bansa-bansa maraenga pole.

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

2 TESALONIKA 1:6

LaNagaukangi Allata'ala apa adeleka. LaNabalasaki passessa sikamma tau le'baka ampa'jari sessako.

1 PETRUS 4:17

Narapi'mi wattunna laNaadeli Allata'ala linoa. Na Umma' KalenNa Allata'ala laniadeli la'bi riolo. Jari punna lappakkaramula angngadeli Allata'ala ri katte, antekammami kajarianna sikamma tau tenaya natappa' ri anjo Kabara' Baji' battua ri Allata'ala?