ROMA 2:5 - KITTA' MATANGKASA'

⁵ Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

ROMA 2:5 ပူးပေါင်းရင်းမြစ်များ

2 PATTOTTORANG 30:8

Teako kapala batui sangkamma ke'nanga, mingka mannurukiko ri Batara. Battu mako mae ri Yerusalem, ri Balla'na Batara le'bakamo Natangkasi Karaeng Allata'alanu untu' KalenNa sa'genna satunggu-tungguna. Mae mako nakianynyomba mae ri Ia sollanna ammari larro mae ri kau.

2 PATTOTTORANG 36:13

Le'ba'mi nipassa Zedekia ri Karaeng Nebukadnezar untu' assumpa lalang arenNa Allata'ala angkanaya talaminrayai pa'mai'na mae ri Nebukadnezar. Mingka ribokoanganna angngewai Zedekia mae ri Nebukadnezar. Kapala batui Zedekia mae ri Batara, Allata'alana Israel. Taerokai ambokoi dosa-dosana siagang taerokai ammotere' mae ri Batara.

AYUB 21:30

Nakana ke'nanga, ‘Ri allo appabattuNa hukkungang Allata'ala, lanipasalamaki sikamma tau ja'dalaka.’

PAMMUJI 110:5

Niaki Batara ri sa'ri kanannu, punna larroi, Nabetai sikontu karaenga.

PAMMUJI 95:8

“Teako terassi ulunnu sangkamma boe-boenu ri Meriba, sangkamma wattunna ri Masa ke'nanga, ri parang lompoa.

KALAPPASSANG 14:17

LaKupa'jari kapala batui tu Mesir sa'genna naondang tulusu' tu Israel, nampa Kupappicinikang kakoasangKu mae ri Karaeng Mesir, mae ri pasukanna, sikamma karetana siagang sikamma tau niaka rate.

KALAPPASSANG 32:34

Kamma-kamma anne a'lampamako, nampa nuerang anjo ke'nanga mange ri tampa' le'baka Kupau mae ri kau. MalaekakKu lanrurungangko, mingka nia' se're wattu sallang na narapi' wattunna laKuhukkung ke'nanga lanri dosa-dosana ke'nanga.”

KALAPPASSANG 8:15

Ri wattunna nacini' karaenga angkanaya mate ngasemmi anjo tumpanga, kapala batumi pole. Na kamma le'baka Napau Batara, taerokai karaenga anjampangi kananna Musa siagang Harun.

PANGNGEBARANG 1:18

mingka anjo tau ja'dalaka ba'lalo kalenna tonji ke'nanga natannangngi sikko', iamintu sikko' lambalai kalenna ke'nanga.

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

PANGNGEBARANG 28:14

Tuli pakalompoi Batara, na nulamate'ne. Punna nubaliangi, langgappako bala.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

KATO'BA 12:14

LaNaadeli ngasengi Allata'ala sikontu panggaukanta; ia bajika siagang kodia, ba'lalo manna pole toccokkoa.

YESAYA 48:4

Kuassengi angkanaya ikau sanna' terasa'na pa'mai'nu, terasaki ulunnu siagang kapala batuko.

YEREMIA 40:3

Kamma-kamma anne Nagaukammi anjo kammaya, lanri dorakami bansanu siagang taerokai mannuruki mae ri Ia.

YEHEZKIEL 11:19

LaKuberui atinna siagang panggaukanna ke'nanga. Atinna ke'nanga terasaka sanrapang batu laKuallei nampa Kusambei siagang ati mannurukia mae ri Nakke.

YEHEZKIEL 3:7

Mingka bansa Israel taerokai ampilangngeriko, ba'lalo manna iNakke tena todong naero' ke'nanga ampilangngeriA'. Kapala batu ngasengi ke'nanga siagang nangai angngewaya.

DANIEL 5:20

Mingka ri wattunna a'jari tampo, kapala batu siagang palla', nigulummi battu ri kakaraenganna sa'genna tappela'mo kala'biranna.

HOSEA 13:12

Nakana Batara, “Nicata'mi dosana siagang kasalanna Israel, nampa niboli' catatanna.

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

ROMA 1:18

Battu ratei ri suruga Napappicinikang larroNa Allata'ala ri sikontu dosana siagang kaja'dallanna rupataua. Nasaba' anjo kaja'dallanga anrompai taua sa'genna tanaassenga taua pangngajarang annabaya battu ri Allata'ala.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

PAOLE 2:30

Mingka tena napa'biangki' Karaeng Sihon ammalo ri anjo pa'rasanganna. Nipa'jari kapala batumi ri Karaeng Allata'alanu siagang nakellai duduki' ambetai anjo Karaeng Sihon. Sa'genna kamma-kamma anne nipammantangngi iji daerana.

PAOLE 32:34

Nau'rangi Batara panggaukanna musunna ke'nanga, laNahukkungi ke'nanga punna narapi' wattunna.

2 TESALONIKA 1:5

Anrinnimi anne a'nyata antekamma adele'na apa le'baka Natappuki Allata'ala; Le'ba'mi nukasia' sessaya passabakkang Lino BeruNa Allata'ala, jari lanikellai mako antama' anjoreng.

IBRANI 3:13

Jari sollanna tena manna sitau ri tangnga-tangnganu nitipu ri dosaya sa'genna tamappilangngeria ri Allata'ala, paralluko allo-allonu sipakainga' ilalang attallasatta ija ri anjo jammang napakkanaia Kittaka “Anne Jammanga”.

IBRANI 3:15

Iaminne tattulisika lalang ri Kittaka, angkanaya, “Punna nulangngere' sa'ranNa Allata'ala anne alloa, teako tamappilangngeri sangkamma boe-boenu riolo, ri wattunna nabali Allata'ala.”

IBRANI 4:7

Nasaba' le'ba'mi Napattantu Allata'ala se'reang allo maraeng pole, ia nikanaya, “Anne Alloa.” Attaung-taung ribokoanganna Nabicarai Allata'ala anjo passalaka tete ri Daud, iami antu lalang aya' le'bakamo nipau sumpadeng, angkanaya, “Punna nulangngere' sa'ranNa Allata'ala anne alloa, teako tamappilangngeri.”

YAKOBUS 5:3

Attaiammi bulaennu siagang pera'nu; iaminjo taianna la'jari sa'bi angngewayako siagang la'jari sanrapang pepe' langkanreai tubunu sa'genna la'busu'. Nupattambung-tambummi pa'barang-barangannu ri anne allo kala'busanga.

YOSUA 11:20

Nipa'jari terasaki pa'mai'na ke'nanga ri Batara untu' a'bundu' siagang tu Israel, sollanna niancuru' ke'nanga, siagang nibuno tanikamaseang situru' parentaNa Batara mae ri Musa.

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,

2 PETRUS 3:7

Mingka anne langika siagang buttaya ri kamma-kammaya anne, niparakaia todong siagang kananNa Allata'ala, laniancuru' tongi sallang siagang pepe'. Kamma-kamma anne niparakai iji langika siagang buttaya sa'genna narapi' allonna lanihukkung siagang niancuru' sikontu tau tenaya natappa' ri Allata'ala.

YUDAS 1:6

U'rangi tongi sikamma malaeka' eroka appanggaukang allaloangai kakoasanna ke'nanga, sa'genna a'lampa ke'nanga ambokoi pammantanganna. Nisikko'mi ri Allata'ala sikamma anjo malaekaka siagang rante tamattappuka, irawa ri tampa' sassanga rawanganna buttaya. Anjoremmi ke'nanga nitahang turus, sa'genna nitappuki hukkunganna ke'nanga ri Allo sannaka heba'na sallang.

PAPPICINI' 2:21

Le'ba'mi Kusare kasampatang untu' toba' battu ri dosa-dosana, mingka taerokai ammari anggaukangi anjo gau' bawanga.

PAPPICINI' 6:17

Battumi anjo allo sannaka heba'na; kamma-kamma anne napassulu' ngasemmi larrona ke'nanga, siagang tenamo manna sitau akkulle attahang ri dallekanna ke'nanga!”

1 SAMUEL 6:6

Apa matu-matunnu ampatterassangi ulunnu sangkamma karaeng Mesir riolo? Teako kaluppai antekamma bateNa Allata'ala ampare' karek-karenangi ke'nanga, sa'genna jarra ke'nanga, nampa Nalappassang anjo tu Israel ambokoi Mesir.