ROMA 2:3 - KITTA' MATANGKASA'

³ Mingka ikau ngaseng sikamma sari'battangku, ikau pole anggaukang tongi anjo apa-apa nucallaya nagaukang tau maraenga. Gassingka nukana lakkulleko ta'lappasa' battu ri pangngalarroiNa Allata'ala?

ROMA 2:3 ပူးပေါင်းရင်းမြစ်များ

2 SAMUEL 10:3

Ri wattunna battu ke'nanga mange ri Amon, nakanamo sikamma pamimpinna anjo pa'rasanganga mae ri Karaeng Hanun, “Teaki' angkanai pikkiranta angkanaya nanakiring Daud anjo tunisurona lanri ero'na ampakalompoi manggeta karaeng! Nakiringi anjo taua mae anrinni a'jari mata-mata untu' ansalidiki anne kotaya, sollanna akkulle naalle.”

PAMMUJI 50:21

Iaminjo nugaukang, mingka a'merekijA' bawang, jari nupikkiri'mi angkana sangkammA' ikau. Mingka kamma-kamma anne Kucallako, na yangasenna anjo Kupa'nyatai mae ri kau.

PAMMUJI 56:7

A'rappungammi ke'nanga ri tampa' taccokkoa, anjannangngi sikontu panggaukangku, siagang a'boya kasampatang untu' ambunoa'.

PANGNGEBARANG 11:21

Tau ja'dalaka mattantu langgappai hukkungang; tau bajika lasalamaki.

PANGNGEBARANG 16:5

Sikontu tau borroa nikabirisi ri Batara; tena Nakellai ke'nanga ta'lappasa' battu ri hukkunganga.

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

YEHEZKIEL 17:18

Lanri nadakkaina sumpana siagang parjanjianna, takkulleai napata'lappasa' kalenna.

DANIEL 10:19

Nakanamo, “Nakamaseangko Allata'ala; lanri kammana anjo tea' mako lussakki yareka tea' mako mallakki, gassingi kalennu!” Lalang napauna anjo kammaya, pila' gassimmi kusa'ring kalengku, nampa kukanamo, “A'bicara maki', karaeng. Kitambaimi kagassingangku kusa'ring.”

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

MATIUS 26:53

Maka tenapa nuassengi angkanaya punna erokKa', akkullei Kupala' ri ManggeKu sollanna Nasuro battu silalonna memang surudadu malaeka'Na, sampulo anrua sa'bu battu angngalleiA'?

LUKAS 12:14

Appialimi Isa Nakana, “E, sari'battang, inai angngangkaKa' a'jari haking, lambage-bageangko warisi'nu sipa'rua?”

LUKAS 22:58

Tena nasallo, nia'mo pole tau maraeng anciniki Petrus, siagang nakana, “Ikau pole, kalase'rennako ke'nanga!” Mingka appialimi Petrus nakana, “Tena, teai inakke!”

LUKAS 22:60

Mingka appialimi Petrus nakana, “Apa nukana? Tena nakupahangi antu nupakkanaya!” Anjo wattua, sitabanna a'bicara ija Petrus, attingkokomi janganga.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

ROMA 2:2

Niassemmi angkanaya punna Napabattumi hukkunganNa Allata'ala mae ri sikamma tau a'gau' kammaya anjo, anjo hukkunganga siratang memang tongi.

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.