ROMA 2:21 - KITTA' MATANGKASA'

²¹ Nuajara'mi tau maraenga; jari angngapa natanuajarra todong kalennu? Nuajaraki taua sollanna tena na'lukka'; mingka kalennu a'lukka'!

ROMA 2:21 ပူးပေါင်းရင်းမြစ်များ

YESAYA 42:20

Israel, jai nucini', mingka tena nuparhatikangi, tassungkei tolinnu, mingka tena nullangngere'.”

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

MATIUS 21:13

Nampa Nakana ri anjo taua ngaseng, “Nia' tattulisi' lalang ri Kittaka angkana, Nakana Allata'ala, ‘Lanipareki balla' sambayang BallakKu.’ Mingka ikau ngaseng nupareki pa'rappungang paella'!”

LUKAS 11:46

Appialimi Isa Nakana, “Cilaka ngaseng tommako ikau guru-guru agamaya! Nusuroi taua anggaukangi apa-apa sukkaraka, siagang nusarei taua atorang-atorang battala'; mingka manna sike'de' tena todong nanubantui taua anggaukangi.

LUKAS 12:47

Inai-nai palayang angngassengi ero'na karaenna, mingka tena nasadia siagang tena nagaukangi ero'na karaenna, lanicambo'mi nipasitangnga mate.

LUKAS 19:22

Nakanamo anjo karaenga ri anjo taua, ‘Ikau palayang ja'dalakko! Lanri kana-kanannu tonji nalakuhukkungko. Nuassengi angkanaya inakke tau sekkekka': kuallei apa-apa tenaya nainakke pata, siagang kuallei wassele'na tampa' tenaya nainakke pata tampa'.

LUKAS 4:23

Jari Nakanamo Isa ri ke'nanga, “Mattantu lanupakei anne pangngebaranga ri Nakke angkanaya, ‘O dottoro', balleimi rolong KalenNu, nampa Nuballei tu maraenga. Gaukammi ri kampong KalenNu anjo gau'-gau' appakalannasaka, nilangngereka kabara'na Nugaukang ri Kapernaum.’ ”

1 KORINTUS 9:27

Kupassareangi kalengku nilati terasa' sa'gengku akkulle a'jari kassa'. Ia nakuappakamma anjo sollanna tena nakajariang angkanaya inakke angkioki taua amminawang appa'lumba nakalengku nisorongboko.

GALATIA 6:13

Kamanna tau anturukiai paratorang sunnaka tena tonja nagaukangi hukkung-hukkung agamaya. Mingka nakellaiko ke'nanga nisunna', sollanna akkulle napattampo-tampoang ke'nanga lanri nuturukinna anjo paratoranga.