ROMA 2:20 - KITTA' MATANGKASA'

²⁰ ikaumi gurunna tau bodo pikkiranga, siagang gurunna tau tenayapa nappikkiri' tau toa. Tappakko angkanaya lanri nuassenna anjo hukkung agama Yahudia, jari nia' ngasemmi ri kau sikamma pangngassenganga siagang pangngajarang katojenganga.

ROMA 2:20 ပူးပေါင်းရင်းမြစ်များ

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

ROMA 2:19

Tappakko angkanaya ikaumi parenrenna tau butaya siagang singara'na tau niaka lalang ri sassanga;

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

ROMA 6:17

Mingka sukkuru' maki' mae ri Allata'ala! Nasaba' riolo a'jari atako ri dosaya, mingka kamma-kamma anne nuturuki tojeng-tojemmi pangngajarang annabaya, le'baka nipassareang mae ri kau.

1 KORINTUS 3:1

Sikontutojenna sari'battangku ngaseng, takkullea' a'bicara ri kau ngaseng sangkamma tau nikoasaia ri RohNa Allata'ala. Mingka sanrapanja' bawang a'bicara tu mannurukia ri ero'na anne linoa; sanrapanga' ana' loloa lalang ri katappakkanga mae ri Almasi.

2 TIMOTIUS 1:13

Attojeng-tojengko anturuki pangngajarang tojenga, ia le'baka kupassareang mae ri kau. Siagang paralluko tuli anna'gala' ri katappakkanta siagang ri pangngamaseanta lanri asse'reta siagang Isa Almasi.

2 TIMOTIUS 3:5

Manna namannuruki lahere'na ke'nanga nicini' anggaukangi napassuroanga agamaya, mingka sikontutojenna tanatarimayai ke'nanga kakoasanna anjo agamaya. Pakabellai kalennu battu ri tau kammaya anjo.

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

IBRANI 5:13

Inai-nai angnginung ija dadi', sanrapang ana' lolo iji; tenapa pangalamanna ri passala'na nikanaya apa tojeng yareka apa sala.

YAKOBUS 3:1

Sikamma sari'battangku! Teako jai dudui ero' a'jari guru. Nuassengi angkanaya ikatte a'jari gurua lala'bi terassangangi punna niadeliki' na tau maraenga.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.