ROMA 2:19 - KITTA' MATANGKASA'

¹⁹ Tappakko angkanaya ikaumi parenrenna tau butaya siagang singara'na tau niaka lalang ri sassanga;

ROMA 2:19 ပူးပေါင်းရင်းမြစ်များ

PANGNGEBARANG 26:12

Tau tolo dudua bajikangngang iji na tau nakanaya kalenna cara'de'.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 5:21

Cilakako kau tau nukanaya kalennu cara'de' siagang sanna' porenu!

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 4:16

Bansa niaka lalang ri sassanga accini'mi singara' accaya lompoa! Ri tau niaka lalang ri sassanna kamateanga Battumi cayana singaraka assiori!”

MATIUS 5:14

Ikau ngasemmi rapang singara'na anne linoa. Kota niaka irate ri bontoa takkulleai nicokko.

MATIUS 6:23

Mingka punna ra'masaki matannu, sassang ngaseng tommi antu sikontu batangkalennu. Jari punna sassammi lampu niaka ri kalennu, tamakami sassang makkappu'na anjo sassanga!”

MARKUS 10:15

U'rangimi anne! Inai-nai tena na'jari sanrapang anne anaka andallekang ri Allata'ala, takkulleai a'jari umma'Na Allata'ala.”

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

YOHANES 9:34

Appialimi ke'nanga angkana, “Apa? Ikau tau dorakaya memang battu ri pakkaramula lassu'nu ero' angngajaraki ikambe?” Pakkaramula anjo wattua tenamo nanikellai anjo taua antama' ri balla' sambayanga.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

ROMA 2:18

Anggappako pitunju'-pitunju' battu ri anjo hukkung-hukkunga, sa'genna nuasseng sikamma apa Nakaerokia Allata'ala, siagang nuassengi nupattantu angkana kereanga baji'.

ROMA 2:20

ikaumi gurunna tau bodo pikkiranga, siagang gurunna tau tenayapa nappikkiri' tau toa. Tappakko angkanaya lanri nuassenna anjo hukkung agama Yahudia, jari nia' ngasemmi ri kau sikamma pangngassenganga siagang pangngajarang katojenganga.

1 KORINTUS 3:18

Tea' laloko niakki antipui kalennu. Punna nia' tau ri tangnga-tangnganu nakana kalenna nia' pangngassenganna situru' pangngukkuru'na anne linoa, anjo taua musti a'jari dongoki, sollanna akkulle a'jari tau niaka tojeng pangngassenganna.

1 KORINTUS 4:10

A'jari tau dongo' maki' lanri Almasi, nanua'jari cara'de'mo tu Karistenga! Ikambe a'jari lamma maki', na ikau a'jari gassing mako! Ikambe nicalla maki' na ikau nipuji-puji mako!

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.