ROMA 16:9 - KITTA' MATANGKASA'

⁹ Pabattuanga' sallang pappakala'birikku mae ri Urbanus, niaganga sipanjama-jamang untu' Almasi. Kammayatompa sallang pappakala'birikku mae ri Stakhis, kukamaseanga.

ROMA 16:9 ပူးပေါင်းရင်းမြစ်များ

ROMA 16:21

Agangku Timotius, appikatui sallang mae ri kau ngaseng. Kammayatompa Lukius, Yason siagang Sosipater, iamintu julu pa'rasangangku siagang julu bansaku.

ROMA 16:7

Pabattu tongi sallangku mae ri Andronikus siagang Yunias. Anjo ke'nanga a'julu pa'rasangangi siagang a'julu bansai siagang inakke, kammayatompa le'baki ke'nanga nitarungku siagang inakke. Ri tenanapa kutappa' mae ri Almasi, rioloangammi ke'nanga tappa'. Masahoroki ke'nanga mae ri sikamma tunisuroNa Allata'ala.

ROMA 16:8

Sallangku mae ri Ampliatus, kukamaseanga, lanri para assileo'mi katallassangku siagang Batara.

ROMA 8:11

Punna niaki lalang ri kalennu RohNa Allata'ala, iamintu Roh ampattallasa' poleangai Almasi battu ri kamateanga, Ia tomminjo RohNa lampattallasaki tubunu akkullea mate.

2 KORINTUS 12:2

Nia' kuasseng se're tu Karisteng sampulo angngappa' taung allaloa, niangkaka nai' ri lonjo' kaminang tinggina surugaya. (Takuassengai angkanaya maka tubuna tojeng-tojeng niangka' nai' ri suruga yareka paccinikkuji bawang. Allata'alaji bawang angngassengi.)

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

GALATIA 1:22

Sa'genna anjo wattua tenapa naassengi tanjakku sikamma jama'ah Karisteng niaka ri Yudea.

FILIPI 2:25

Ri passala'na sari'battanta Epafroditus, le'baka nusuro battu ambantua', parallui kusuro ammotere' mae ri kau. Le'ba'ma' nabantu lalang ri jama-jamangku siagang usahaku.