ROMA 16:4 - KITTA' MATANGKASA'

⁴ Le'baki ke'nanga sike'de' mate lanri ero'na ke'nanga ampalilia' ri balaya. Appala' sukkurukka' mae ri ke'nanga; ba'lalo teai inakke bawang, mingka sikontu jamaah bansa-bansa maraenga appala' tarima kasi' ngasengi mae ri ke'nanga.

ROMA 16:4 ပူးပေါင်းရင်းမြစ်များ

2 SAMUEL 22:41

Kipalari musungku battu ri nakke; Kipossoki sikamma tau birisika mae ri nakke.

MIKHA 2:3

Lanri kammana anjo Nakana Batara, “Kurancanakangi bala lompoa mae ri kau ngaseng, sa'gennu takkullea ta'lappasa'. Ri anjo wattu sialaka tenamo nula'jappa tampo.

YOHANES 15:13

Tau kaminang angkamaseangai passari'battanganna, iamintu tau eroka ampassareangi tallasa'na untu' passari'battanganna.

LAMPA-LAMPANA 15:26

Anne tau ruaya le'ba'mi narellakang kalenna lanri Batarata Isa Almasi.

LAMPA-LAMPANA 15:41

A'lampami ke'nanga angkulilingi Siria siagang Kilikia; napakajarre'mi ke'nanga sikamma jamaah niaka anjoreng.

LAMPA-LAMPANA 16:5

Jari pila' jarre'mi tappa'na anjo jamaah-jama'aka, siagang pila' mange allo pila' katambammi jaina ke'nanga.

LAMPA-LAMPANA 9:31

A'jari sannammi sikontu jama'aka ri Yudea, Galilea, siagang Samaria. Na lanri malla'na ri Batara siagang pannulunNa RohNa Allata'ala, pila' jarre'mi siagang pila' katambammi jaina ke'nanga.

ROMA 16:3

Pabattuanga' sallangku mae ri Priskila siagang Akwila, le'baka kuagang anjama untu' Isa Almasi.

ROMA 16:5

Pabattuang tonga' sallangku mae ri jamaah niaka a'rappungang ri balla'na ke'nanga. Sallangku mae ri Epenetus, kukamaseanga. Iami tau uru-urua tappa' mae ri Almasi ri sikontu daera niaka ri Asia.

ROMA 5:7

Manna untu' tau adeleka sukkara' tonji lania' tau ero' angkamateangi. Nakulle nia' tonja tau barani ero' angkamateangi taua, mingka tau bajikaji ero' nakamateang.

1 KORINTUS 16:1

Kamma-kamma anne passala'na doe' eroka nupassareang a'jari sumbangang mae ri paranta tu Karisteng; kukellaiko sollanna nugaukang situru' apa le'baka kupau mae ri jama'aka ri Galatia.

1 KORINTUS 7:17

Parallui massing nuatoro' katallassannu situru' Nakaerokia Batara, iamintu situru' apa le'bakamo Napattantu Allata'ala ri wattunnu Nakio' Allata'ala a'jari tau tappa' mae ri Ia. Iami anjo paratorang le'baka kupangngajarrang ri sikontu jama'aka.

FILIPI 2:30

Sike'deki mate lanri kaparalluang jama-jamanNa Almasi; nabotorimi nyawana lanri ero'na antulunga' lalang arennu ngaseng.

1 TESALONIKA 2:14

Sikamma sari'battangku, apa nukasiaka ri tallasa'nu, le'ba' tommi nakasia' sikamma jama'aNa Allata'ala ri butta Yudea, a'jaria taunNa Isa Almasi. Nukasiaki passessaya battu ri julu bansanu tonji, sangkamma nakasiaka sikamma Jama'aNa Allata'ala ri butta Yudea battu ri tu Yahudia.

YOSUA 10:24

na nierang mange ri Yosua. Nampa nakio'mo Yosua battu asse're sikontu tu Israel, na nasuro ngaseng sikamma perwira amminawanga siagang ia a'bundu' battu angngonjokangi kallonna anjo limaya karaeng. Battu ngasemmi sikamma perwira na naonjokang kalonna anjo limaya karaeng.

1 YOHANES 3:16

Battu ri kammanami anne naniassemmo antekamma bateta angkamaseangi paranta tau. Le'ba'mi Napassareang katallassanNa Almasi untu' ikatte. Lanri kammana, musti nipassareang tongi katallassanta untu' sikamma paranta tau!

PAPPICINI' 1:4

Sikamma sari'battang niaka ri tujua jama'ah ri daera Asia! Inakke, Yohanes, ma'minasa' nuporo nisare ngaseng barakka' siagang kasalewangang battu ri Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna; kammayatompa battu ri tujua roh ia niaka ri dallekang empoang kala'biranNa Allata'ala,