ROMA 16:2 - KITTA' MATANGKASA'

² Tarimami anne sari'battanta, salaku kalase'renna umma'Na Batara. Kamma memang tomminjo batena tau tappaka mae ri Allata'ala musti massing sitarima. Tulungi punna nia' apa-apa naparalluang battu ri kau; nasaba' jai tommi le'ba' nabantu – kalase'renna tau le'baka nabantu iamintu inakke.

ROMA 16:2 ပူးပေါင်းရင်းမြစ်များ

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

LAMPA-LAMPANA 9:13

Appialimi Ananias nakana, “O Batara, jaimi kabara'na kulangngere' anjo taua. La'biangampa, kabara'na antekamma batena ansessai ummatTa ri Yerusalem.

LAMPA-LAMPANA 9:15

Mingka Nakanamo Batara ri Ananias, “A'lampamako! Nasaba' le'ba'mi Kupile anjo taua a'jari palayangKu; sollanna akkulle napabattu arengKu mae ri bansa-bansa maraenga, tenaya nantama' agama Yahudi, siagang ri sikamma karaenga, kammayatompa ri umma' Israel.

LAMPA-LAMPANA 9:36

Anjoreng ri Yope, nia' sitau baine, niarenga Tabita. Ia tau tappa' ri Isa. (Lalang bicara Yunani arenna nikana, Dorkas, battuanna jonga.) Tuli nagaukangi apa-apa bajika, nanatulung tu kasi-asia.

LAMPA-LAMPANA 9:39

Ammentemmi linta' Petrus, nampa a'lampa ampinawangi anjo tunisuroa battu. Battuna ke'nanga mange anjoreng, nierammi Petrus nai' ri kamara' rateanga. Battu ngasemmi janda niaka anjoreng angngarru', allipungi Petrus. Napaccinikammi ke'nanga mae ri Petrus sikamma baju-bajua siagang juba-juba najaika Dorkas, eroka napassareang Dorkas ri ke'nanga ri wattu attallasa'na.

LAMPA-LAMPANA 9:41

Nampa nata'gala' Petrus limanna nanatulung ammenteng. Le'baki anjo nakio'mi Petrus sikamma tau tappa' niaka anjoreng siagang sikamma anjo janda-jandaya, nampa napassareang Dorkas le'bakamo attallasa' poleang, mae ri ke'nanga.

ROMA 15:7

Lanri kammana, paralluko massing sitarima siagang te'ne pa'mai', sangkamma nitarimanu todong ri Almasi untu' ampakala'biriki Allata'ala.

ROMA 16:15

Sallangku mae ri Filologus siagang Yulia; kammayatompa mae ri Nereus siagang sari'battang bainena; mae ri Olimpas siagang sikamma tau tappa' niaka assiagang ke'nanga.

ROMA 16:23

Gayus, appikatu tongi sallang mae ri kau ngaseng. Anjorenga' ri balla'na ammantang, siagang anjoreng tommaki' ri balla'na assambayang. Erastus, kapala bendaharana kotaya appikatu tongi sallang mae ri kau ngaseng, kammayatompa Kwartus sari'battanta. [

ROMA 16:6

Sallangku todong mae ri Maria. Iami le'ba' anjama terasa' untu' ikau ngaseng.

ROMA 16:9

Pabattuanga' sallang pappakala'birikku mae ri Urbanus, niaganga sipanjama-jamang untu' Almasi. Kammayatompa sallang pappakala'birikku mae ri Stakhis, kukamaseanga.

EFESUS 5:3

Ikau ngaseng Umma'Nako Allata'ala. Lanri kammana, tasiratangai nia' ri tangnga-tangnganu nikanaya gau' bawang, gau'-gau' tenaya nasiratang, yareka kangoanga. Gassingka nia' napare' alasang taua ampakkanaiko angkana nugaukangi anjo sikammaya.

FILIPI 1:27

Jari, ia parallua kamma-kamma anne, iamintu musti attallasakko situru' apa nakaerokanga anjo Kabara' Bajika ri sesena Almasi. Jari, iaka nisigappa yareka tena, mingka lakulangngereki angkanaya majarrekko asse're, siagang lasiagang ngasengko anjama a'julu ero' siagang a'julu pattujuang; iamintu untu' katappakkang situru' anjo Kabara' Baji' battua ri Allata'ala.

FILIPI 2:29

Jari, tarimami siagang te'ne pa'mai'. Pasangkammai sari'battannu, lanri a'julu tappa'nu. Pakalompo ngasengi sikamma tau kammaya ia.

KOLOSE 4:10

Aristarkhus, niaka kuagang anrinni ri tarungkua, akkiringi sallang mae ri kau ngaseng. Kammayatompa Markus, sampu sikalinna Barnabas. (Le'ba' mako nisare kabara' sollanna nuruppai siagang nutarima bajiki punna battu mae ri kau.)

1 TIMOTIUS 2:10

Mingka paralluko tubai'-bainea ammodei kalennu siagang panggaukang-panggaukang baji', situru' siratannaya mae ri tubaine anynyombaya ri Allata'ala.

2 TIMOTIUS 1:18

Siagang ri wattungku ri Efesus jai sikalimi natulunganga'. Yangasenna anne nuasseng ngasemmi. Poro Napappicinikang laloi pangngamaseanNa Batara mae ri ia, ri allo niadelina ngaseng sikontu rupataua ri Batara.

TITUS 2:3

Kammayatompa, parallu tongi nupakainga' tau toa bainea sollanna matangkasa' ke'nanga ri panggaukanna sangkamma siratannaya ri katallassanna tau anynyombaya ri Allata'ala. Takkulleai napitina paranna tau, siagang takkulleai tu'guru' cinnana ke'nanga mae ri inung-inungang terasaka. Musti napangngajarrangi ke'nanga apa-apa bajika;

FILEMON 1:12

Kamma-kamma anne kusuromi ammotere' mae ri kau anjo tu kukamaseanga, iamintu Onesimus.

FILEMON 1:17

Lanri kammana, tarimami ammotere', nanupare' sari'battang paranta tu Karisteng. Tarimami anne Onesimus sangkamma angkana inakkemi nutarima.

2 YOHANES 1:10

Lanri kammana, punna nia' tau battu siagang nabirittakang mae ri kau pangngajarang tenaya Napangngajarrangi Almasi, teako tarimai anjo taua antama' ri balla'nu; tea tongko a'barisallangi mae ri ia angkana “Salamakko.”