ROMA 16:16 - KITTA' MATANGKASA'

¹⁶ Massing sisareko sallang sikarimangngi salaku tu Karisteng. Sikamma jamaah-jama'aNa Almasi appikatu ngasengi sallang mae ri kau ngaseng.

ROMA 16:16 ပူးပေါင်းရင်းမြစ်များ

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

LAMPA-LAMPANA 20:37

Angngarru' ngasemmi ke'nanga siagang naraka'mi Paulus nampa nalappassang na napasalama' a'lampa Paulus.

1 KORINTUS 16:20

Sikontu sari'battanga anrinni appikatu ngasengi sallang mae ri kau ngaseng. A'le'ba'-le'basakko massing sisare sallang, sikarimangngi salaku tu Karisteng.

2 KORINTUS 13:12

Massing sipasalamakko nusikajarreki salaku tu Karisteng assari'battanga. Appikatui sallang sikontu Umma'Na Allata'ala mae ri kau ngaseng.

1 TESALONIKA 5:26

Massing sibarisallangko para ikau ngaseng, assiamakko nusikarimangngi salaku tu Karisteng.

1 PETRUS 5:14

Sikamaseang duduko, siagang sisallang-sallangiko salaku tu Karisteng massari'battanga. Poro Nabarakkaki ngasengko Batara, ikau sikontu tau a'jaria taunNa Almasi. Sallangku, Petrus