ROMA 15:9 - KITTA' MATANGKASA'

⁹ Napa'jari tommi Isa bansa-bansa maraenga appakala'biri' mae ri Allata'ala, lanri baji' pa'mai'Na Allata'ala mae ri ke'nanga. Nia' tattulisi' lalang ri Kittaka, angkanaya, “Lanri kammanami anjo nakulamammuji-muji mae ri Katte ri tangnga-tangngana bansa-bansaya, lamakkelonga' mammuji-muji mae ri arenTa.”

ROMA 15:9 ပူးပေါင်းရင်းမြစ်များ

2 SAMUEL 22:50

Jari kupakala'birikKi' ri alla'na bansa-bansaya, na kumakkelong kelong pammuji mae ri Katte.

PAMMUJI 18:49

napasalamakka' battu ri sikamma balingku. Batara, Kisarea' pammetang mae ri musungku, Kikatutuia' battu ri sikamma tu sekkeka.

PAMMUJI 57:9

He, ambangungko, nyawaku! He, ambangungko gambusuka siagang kacapia! Erokka' ampabangungi bari'basaka.

MATIUS 9:8

Ri wattunna nacini'mo tau jaia anjo apa kajarianga, malla' ngasemmi ke'nanga; nammuji-mujimo ke'nanga ri Allata'ala, lanri Napa'nyatanamo Allata'ala koasa kammaya lompona mae ri tu linoa.

ROMA 11:30

Riolo tena ngaseng numannuruki mae ri Allata'ala. Mingka kamma-kamma anne Napa'nyatami Allata'ala angkanaya le'ba' mako nipata'lappasa' battu ri kasalanga, lanri tenana namannuruki tu Yahudia.

ROMA 3:29

Yareka lanri anjo Allata'ala, Allata'alanaji bawang tu Yahudia? Sai Allata'alana todong bansa maraenga? Memang Allata'alana tongi bansa maraenga!