ROMA 15:4 - KITTA' MATANGKASA'

⁴ Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

ROMA 15:4 ပူးပေါင်းရင်းမြစ်များ

PAMMUJI 102:18

LaNapilangngeri pappala' doanna umma'Na kasi-asia, tena Natollaki pappala'na ke'nanga.

PAMMUJI 119:50

Iaminne ansaleoria' lalang ri pa'risikku, angkanaya anjo janjinTa assarea' tallasa'.

HABAKUK 2:2

Appialimi Batara mae ri nakke kamma anne, “Ukiriki baji' pa'nassana mae ri papang batua, apa Kupa'nyataya mae ri kau sollanna akkulle gampang nibaca.

ROMA 12:12

Musti rannui pa'mai'nu ma'minasa ri Batara; sa'barakko lalang kasusaanga, siagang teako lanrei appala' doang.

1 KORINTUS 10:11

Yangasemmi anjo kajariang mae ri ke'nanga, untu' a'jari conto mae ri tau maraenga. Kammayatompa nitulisi' ngaseng tommi anjo apa kajarianga untu' a'jari pappakainga' mae ri katte ngaseng. Nasaba' kamma-kamma anne nia' maki' attallasa' ri kala'busanna jammanga.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.