ROMA 15:32 - KITTA' MATANGKASA'

³² Sa'genna, punna Nakaerokang Allata'ala, akkullea' battu mae ri kau ngaseng siagang baji'. Nakuakkulle anggappa panynyaleori ri tangnga-tangnganu ngaseng.

ROMA 15:32 ပူးပေါင်းရင်းမြစ်များ

PANGNGEBARANG 25:13

Tunisuro tamamminraya, napakasannangi nyawana tumassurona, sanrapang je'ne' dinging nakasiaka pakattoa ri kokoa.

LAMPA-LAMPANA 18:21

Mingka manna nakamma, ri wattunna la'lampa Paulus, nakanamo ri ke'nanga, “Punna nia' pangngellai battu ri Allata'ala, labattu poleanja' antu sallang mae anrinni.” Le'baki akkana kamma, a'lampami Paulus mange ri Efesus.

LAMPA-LAMPANA 27:1

Le'ba'mi nitappuki angkanaya musti a'lampa maki' mange ri Italia. Jari nipassareammi Paulus siagang siapa are tahanang maraenga mae ri Yulius, iamintu perwira tantara Roma nigallaraka “Pasukanna Karaenga”.

ROMA 15:29

Punna battua' sallang mae ri kau ngaseng, mattantu jai barakka' battu ri Isa Almasi lakupabattuangko.

1 KORINTUS 16:18

Sanna' sikali napakarannuna ke'nanga atingku, sangkamma napakarannuna atinnu ngaseng. Musti nupakala'biri' tojeng-tojengi anjo tau kammaya ngaseng.

1 KORINTUS 4:19

Mingka punna Naerokang Batara tena tabattuku mae ri kau ngaseng. Iapi anjo wattua sallang nakucini' todong apa akkullea nagaukang anjo tau tampo kammaya; jari teai poro bicaranna bawang ke'nanga kulangngere'.

2 KORINTUS 7:13

Iaminjo saba'na nanisaleorimo atinna ikambe. Pantaranganna panynyaleoria, ba'lalo sanna'mo rannuta anciniki karannuanna Titus; ikau ngasemmi le'ba' ansaleori atinna.

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.

FILEMON 1:20

Lanri kammana sari'battang, tulunga' lanri Batara; pakarannui pa'maikku sangkamma sari'battannu lanri Batara.

FILEMON 1:7

Pangngarimangnginnu mae ri sikontu umma'Na Allata'ala, sari'battang, napakarannui pa'maikku siagang napakalompoi sumangakku! Tassaleori ngasemmi sikontu Umma'Na Allata'ala lanri ikau.

YAKOBUS 4:15

Mustina lakammai anne batenu angkana, “Punna Naerokang Batara, lattallasa'ma' siagang lakugaukammi anne yareka anjo.”