ROMA 15:26 - KITTA' MATANGKASA'

²⁶ Nasaba' le'ba'mi assamaturu' jamaah-jama'aka ri pa'rasangang Makedonia siagang Akhaya untu' assarei sumbangang sikamma sari'battang kasi-asia niaka ri alla'na umma'Na Allata'ala ri Yerusalem.

ROMA 15:26 ပူးပေါင်းရင်းမြစ်များ

PANGNGEBARANG 14:21

Inai-nai anghinai paranna tau, a'gau' dosai; inai-nai baji' pa'mai' ri tau kasi-asia, lamate'nei.

PANGNGEBARANG 14:31

Inai a'gau' baji' mae ri tu kasi-asia, napakala'biriki Allata'ala; inai anjallakkangi tau lammaya, nahinai Tumappare'na.

PANGNGEBARANG 17:5

Inai ancau-caui tu kasi-asi puppusuka, nahinai Allata'ala Mappa'jarina. Inai rannu lanri kasusaanna tau maraenga, mattantu anggappana hukkungang.

ZAKHARIA 11:11

Anjo memang alloa natanipa'jariamo anjo parjanjianga. Najannangngima' anjo sikamma padanggang gimbalaka, siagang napahammi ke'nanga angkanaya KalenNa Batara a'bicara tete ri sikontu apa kugaukanga.

ZAKHARIA 11:7

Nampa inakke, Zakharia, nigajima' ri sikamma padanggang gimbalaka untu' angkalawaki sikamma gimbala' lanipolonga. Inakke nia' rua takkangku; se'reanga kuarengi “Kalammorang” nampa se'reanga pole kuarengi “Sikkokang”. Nampa appakaramulama' anjagai siagang amparakai anjo sikamma gimbalaka.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

MATIUS 26:11

Ia tau kasi-asia tuli lania'na ri ampi'nu, mingka iNakke tena Kutuli lania' ri ampi'nu.

LUKAS 14:13

Jari punna langnganre-nganreko, undammi tu kasi-asia, tu sala-salanga, tu pesoka, siagang tu butaya.

LUKAS 6:20

Naciniki ngasemmi ana'-ana' gurunNa Isa, nampa Nakana, “Mate'ne ngasengko tau kasi-asia, nasaba' ikaumi umma'Na Allata'ala!

LAMPA-LAMPANA 16:12

Battu anjoreng maki' nakimange ri Filipi, iamintu se're kota makase'rea ri daera Makedonia. Anne kota Filipi, niaki rawangang parentana karaeng Roma. Ammantang maki' anjoreng pirang-pirangallo.

LAMPA-LAMPANA 16:9

Ri wattunna bangngi ri Troas, nabattuimi Paulus pappiso'na. Lalang pappiso'nana, nia' nacini' se're tau battu ri daera Makedonia ammenteng ri dallekanna. Napala' dudumi anjo taua sollanna a'lampa Paulus mange ri Makedonia antulungi ke'nanga.

LAMPA-LAMPANA 18:12

Ri wattunna Galio a'jari Guburnur ri Akhaya, assamaturu'mi tu Yahudia ambaliangi Paulus nanaerang mange ri pangadelanga natuntu'.

LAMPA-LAMPANA 19:21

Le'ba'namo kajariang ngaseng anjo sikammaya, apparurumi Paulus ero' a'lampa mange ri Makedonia siagang Akhaya, nampa annarrusu' mange ri Yerusalem. Nakana Paulus, “Punna battu anjoremma' musti lamange tonga' ri Roma.”

LAMPA-LAMPANA 9:13

Appialimi Ananias nakana, “O Batara, jaimi kabara'na kulangngere' anjo taua. La'biangampa, kabara'na antekamma batena ansessai ummatTa ri Yerusalem.

1 KORINTUS 16:15

Tantu massing nuassemmi Stefanus siagang sikontu tau niaka ri balla'na; iaminjo ke'nanga uru-uru a'jari tu Karisteng ri butta Akhaya. Attojeng-tojengi ke'nanga anjama untu' allayani umma'Na Allata'ala.

1 KORINTUS 16:5

Erokka' battu angkunjungiko punna kulalloimo Makedonia, nasaba' erokka' numalo sallang anjoreng.

2 KORINTUS 1:16

Erokka' battu angkunjungiko punna a'lampa' mange ri butta Makedonia, siagang nakuassengka pole punna ammoterekka'; sollangku akkulle nubantu punna kupannarrusu' lampaku mange ri pa'rasangang Yudea.

2 KORINTUS 11:9

Punna kakuranganga' anjo wattua, tena le'bakai nia' tau battu ri kau kususai manna sitau. Sikamma apa-apa kuparalluanga napa'ganna' ngasengi sari'battang battua ri jama'ah Makedonia. Kukatutui sollanna tena nakususaiko, manna na passala' kaparalluang apa-apa mamo. Na tuli kukatutuina anjo kammaya.

2 KORINTUS 2:13

Mingka tena nasannang nyawaku, nasaba' tena nakusibuntulu' siagang sari'battanta Titus anjoreng. Jari appala' kanama' mae ri taua anjoreng, nampa annarrusu' a'lampa mange ri butta Makedonia.

2 KORINTUS 7:5

Ri wattunna battu ikambe mange ri butta Makedonia, tena sikali nakisawe ammari-mari poso. Battu iraya ilau'mi kasukkaranga antujuki'; pa'beseranna taua mae ri kambe, kammayatompa malla'-malla' tommaki' ilalang ri atinta.

2 KORINTUS 9:12

Nasaba' anne gau' baji' nugaukanga, tena naporo lappa'ganna' bawang mae ri kakuranganna Umma'Na Allata'ala. Passangalinna la'jari tongi passabakkang najai tau lappala' sukkuru' mae ri Allata'ala.

2 KORINTUS 9:2

Kuassengi angkanaya nungai annulunga; na anne le'ba'mi kucarita mae ri taua ri butta Makedonia. Le'ba'mi kupau kalompoang pa'maikku mae ri ke'nanga angkanaya battu ri taung allaloaji nasadiamo sari'battanga ri butta Akhaya assare sumbangang. Na iaminjo sumanga'nu ampakalompo tongi sumanga'na ke'nanga.

2 KORINTUS 9:4

Kubata-batai gassingka nia' todong tu battu ri butta Makedonia amminawang ri nakke punna battua' mae ri kau sallang. Na punna narapikangko tena nusadia, teaimi sipato' siri'-siri'na ikambe. Nasaba' le'ba'mi nipau angkanaya sanna' akkullenu nipatappa'! Nampa ikau pole lasanna' todong siri'-siri'nu.

FILIPI 4:15

Sari'battangku ngaseng tu Filipia! Baji' ngaseng nuassenna, angkanaya ri wattunna kubokoi butta Makedonia riolo, ri wattunna uru-uru nipa'la'bang anjo Kabara' Bajika, tena ruannu jama'ah ambantua'; tena ruannu kuagang angkasiaki susaku siagang karannuangku.

1 TESALONIKA 1:7

Lalang kammana minjo nu'jari contomo mae ri sikontu Umma' Karisteng niaka ri Makedonia siagang Akhaya.

1 TESALONIKA 1:8

Nasaba' tassiara'mi birittaNa Allata'ala appakkaramula battu ri kau ngaseng sa'genna mange ri butta Makedonia siagang Akhaya. Ba'lalo tena nasikammaja anjo bawang; nasaba' anjo katappakkannu mae ri Allata'ala tassiara'mi ri kere-keremae, sa'genna tenamo apa-apa parallu napau ikambe.

1 TESALONIKA 4:10

Na anjo passalaka le'ba'mi nupappicinikang mae ri sikamma sari'battang julu tappatta ri sikontu butta Makedonia. Jari, sari'battangku ngaseng, napala' tojeng-tojengi ikambe mae ri kau ngaseng, sollannu pila' a'jari la'bi baji' lalang ri katallassannu.

1 TIMOTIUS 1:3

Kukellaiko sollannu ammantang ri Efesus. Anne le'ba' mako kupauang baji'-baji' ri wattungku mange ri daera Makedonia. Nasaba' nia' siapa are tau ri Efesus angngerang pangngajarang sala. Na parallu nupammari angngajara' sala anjo ke'nanga.

FILEMON 1:5

Nasaba' kulangngere'mi kabara'nu angkanaya nukamaseangi sikontu umma'Na Allata'ala, siagang tappa' tojeng-tojeng mako mae ri Batara Isa.