ROMA 15:19 - KITTA' MATANGKASA'

¹⁹ kammayatompa ilalang gau'-gau' appakalannasaka, siagang sukkaraka antama' ri akkala'na rupataua; yangasenna anjo koasaNa RohNa Allata'ala anggaukangi. Le'ba' ngasemmi kubirittakang sikamma Kabara' Baji' ri passala'na Isa Almasi mae ri taua, appakkaramula battu ri Yerusalem sa'genna ri Ilirikum.

ROMA 15:19 ပူးပေါင်းရင်းမြစ်များ

MATIUS 12:28

Mingka iNakke nakkulle Kubongka setanga lanri koasa battu ri RohNa Allata'ala. Na iaminjo a'jari pammatei, angkanaya appakkaramulami ammarenta Allata'ala ri tangnga-tangnganu ngaseng.

YOHANES 4:48

Nakanamo Isa ri anjo pagawena karaenga, “Ka'de' tanucinika anjo gau'-gau' appakalannasa' le'baka Kugaukang, tena ngaseng nulatappa'.”

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

LAMPA-LAMPANA 13:14

Battu ri Perga, napatulusu'mi lampana ke'nanga mange ri Antiokhia, ri daera Pisidia. Ri allo Pammari-marianga, a'lampami ke'nanga mange ammempo ri balla' sambayanga.

LAMPA-LAMPANA 13:51

Napatu'du'mi nanapasulu' limbu'bu' niaka ri pa'lapa' bangkenna Paulus siagang Barnabas ri dallekanna ngaseng ke'nanga. Iaminjo a'jari pappakainga' mae ri ke'nanga. Le'baki anjo a'lampami Paulus siagang Barnabas mange ri Ikonium.

LAMPA-LAMPANA 14:10

nampa nalompoi sa'ranna nakana, “Ammentengko nai'!” A'lumpa'mi ammenteng nai' anjo taua, nampa a'jappa.

LAMPA-LAMPANA 14:20

Mingka ri wattunna ammenteng tau tappaka anjoreng angkulilingi Paulus, ambangummi Paulus nampa ammotere' antama' ri kotaya. Ammukona, a'lampami mange ri Derbe siagang Barnabas.

LAMPA-LAMPANA 14:25

Na le'ba'na napabattu ke'nanga kana-kananNa Allata'ala ri Perga, a'lampami ke'nanga mange ri Atalia.

LAMPA-LAMPANA 14:6

Mingka naassemmi tunisuroNa Allata'ala anjo passikongkolanna ke'nanga. Jari naliliammi ke'nanga anjo balaya, na'lampa mange ri Listra siagang Derbe, iamintu kota-kota niaka ri daera Likaonia, siagang ri daera-daera ri ampi'naya.

LAMPA-LAMPANA 15:12

Tenamo nania' akkana sikontu anjo tuniaka assirapakkang. Nampa napilangngerimo ke'nanga Barnabas siagang Paulus ancarita poleangi sikamma anjo gau'-gau' appakalannasa' le'baka Nagaukang Allata'ala lalang ri kalenna ke'nanga ri tangnga-tangngana bansa maraenga.

LAMPA-LAMPANA 16:18

Niaki pirangallo are sallona tuli amminawang anjo bainea akkiok-kio' kamma anjo. Sa'genna takkulleami sa'bara' Paulus napakamma; jari assailemi Paulus, nampa nakana ri anjo rohna setanga, “Lanri arenNa Isa Almasi, kusuroko assulu' battu ri anne bainea!” Anjo wattua, assulu' memammi anjo rohna setanga battu lalang ri kalenna anjo bainea.

LAMPA-LAMPANA 17:10

Anjo bangngia nisuromi Paulus siagang Silas ri tau tappaka anjoreng ri kotaya, a'lampa mange ri Berea. Battuna Paulus siagang Silas ri Berea, mangemi ke'nanga ri balla' sambayanna tu Yahudia.

LAMPA-LAMPANA 17:15

Le'baki naantara' Paulus sa'genna ri Atena, ammotere'mi anjo sikamma tau tappaka mange ri Berea. Angngerammi pasang ke'nanga battu ri Paulus, sollanna linta' amminawang Silas siagang Timotius.

LAMPA-LAMPANA 18:1

Le'baki anjo a'lampami Paulus ambokoi Atena, namange ri Korintus.

LAMPA-LAMPANA 18:19

Ri wattunna battu ke'nanga mange ri Efesus, nasuromi ammantang Priskila siagang Akwila, nampa antama' ri balla' sambayanga sipa'bicara siagang tu Yahudi niaka anjoreng.

LAMPA-LAMPANA 19:1

Ri wattunna nia' Apolos ri Korintus, sitabang tongi a'lampa Paulus anjappai padalamanna anjo daeraya, sa'genna battu mange ri Efesus. Anjoreng, assibuntulu'mi siagang siapa are tau tappakamo ri Isa.

LAMPA-LAMPANA 20:20

Nuasseng ngasemmi angkanaya tena nakumalla'-malla' ampauangko apa niaka matu-matunna mae ri kau. Kusareko pangngajarang lalang ri pa'rappunganna tau jaia, yareka massing ri balla'nu ngaseng.

LAMPA-LAMPANA 20:6

Le'baki Passua'-suarrang Roti Tenaya Nammake Pa'gambang, a'lampa maki' assombala', ambokoi Filipi. Narapiki limangallo sallona, a'rappungang siagang ke'nanga ri Troas. Sidamingguki' ammantang anjoreng.

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

ROMA 15:16

Napa'jarima' palayanNa Isa Almasi, sollangku nisuro mae ri bansa pantaranganna bansa Yahudia, iamintu bansa-bansa maraenga. Nipa'jarima' imang sollanna kubirittakang Kabara' Baji' battua ri Allata'ala mae ri ke'nanga, sollanna akkulle ke'nanga nitarima a'jari koro'bang mae ri Allata'ala. Kuminasai ke'nanga nanitangkasi ri RohNa Allata'ala, sollanna akkulle a'jari koro'bang matangkasa' mae ri Allata'ala.

ROMA 15:24

Sallang punna a'lampa' mange ri pa'rasangang Spanyol, erokka' assengka ri kota nupammantangia; nakuma'minasa sollanna akkulleki' assibuntulu', nakukkulle a'rannu-rannu sinampe' siagang ikau ngaseng. Napunna le'baki anjo, kuminasai sollanna akkulle ngasengko ambantua' untu' anjo pa'lampangku mange ri Spanyol.

1 KORINTUS 2:4

Teai bicara sannaka baji'na nilangngere' lanri kacara'dekang ri rupataua kupake ampabattui anjo birittaya mae ri kau ngaseng. Mingka kammaminjo caraku ampabattui untu' ampa'butti angkanaya makoasai RohNa Allata'ala. Akkulle ngasemmi nucini' anjo passalaka.

2 KORINTUS 12:12

Le'ba'mi kupappicinikang mae ri kau siagang sa'bara' sikamma gau' appakalannasaka siagang gau' malompoa, yareka jama-jamang sannaka lompona; sollanna a'buttimo mae ri kau angkanaya inakke ma'nassa tunisuroNa' Allata'ala.

GALATIA 3:5

Allata'ala assareko RohNa, naNapappicinikang gau'-gau' makoasaNa ri tangnga-tangnganu. Maka lanri nugaukanna hukkung-hukkung agamaya, naNagaukang Allata'ala anjo kammaya? Yareka lanri nulangngere'namo anjo Kabara' Bajika siagang lanri tappa'numo mae ri Almasi?

KOLOSE 1:25

Nasuroma' Allata'ala a'jari palayang mae ri jama'aNa untu' kaparalluannu. Musti kupabattu ngasengi biritta battua ri Allata'ala;

1 TESALONIKA 1:5

Nasaba' teai lalang kana-kana bawang batena ikambe ampabattui anne Kabara' Bajika, mingka lalang koasaNai siagang lalang RohNa Allata'ala, siagang lanri matappa'na ikambe ri katojenganna anjo Kabara' Bajika. Ri wattunna nia' ikambe ri tangnga-tangnganu, nuassemmi antekamma batena attallasa' ikambe untu' kabajikannu.

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

IBRANI 2:4

Kammayatompa, KalenNa Allata'ala ampakajarreki kasa'bianna anjo taua ngaseng, iamintu lalang Nagaukanna a'rupa-rupaya gau' appakalannasaka siagang gau'-gau' sannaka heba'na; siagang lalang Napa'bage-bageanna sikamma passare malammoro' battua ri RohNa Allata'ala situru' kaerokang KalenNa.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.