ROMA 14:6 - KITTA' MATANGKASA'

⁶ Nia' tau ampa'jari la'bi paralluangangi allo-allo attantua, lanri ero'na napakala'biri' Batara. Nia' tau a'rupa-rupai nakanre, lanri ero'na napakala'biri' Batara, nasaba' napakei appala' sukkuru' mae ri Allata'ala anjo kanrea. Kammatommi anjo tau kanre-kanreang attantuaji bawang nakanre; anjo taua napakala'biriki Batara siagang appala' sukkuruki mae ri Allata'ala.

ROMA 14:6 ပူးပေါင်းရင်းမြစ်များ

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

KALAPPASSANG 12:42

Anjo bangngia tulusu' a'jagaNa Batara untu' angngantaraki ke'nanga assulu' battu ri Mesir. Siagang iatommi anjo bangngia untu' situlusu'na niu'rangi a'jari bangngi nipakalompo untu' Batara. Anjo bangngia musti a'jaga-jagai umma' Israel.

KALAPPASSANG 16:25

Nakanamo Musa, “Iaminne kanrenu untu' anne alloa, saba' anne alloa iamintu Allo Pammari-mariang, allo pammari-mariang untu' ampakalompoi Batara; siagang tena nukkulle anggappa kanre kammaya anjo pantaranganna kemanu, manna sike'de'.

YESAYA 58:5

Punna appuasako, nusessai kalennu; nupadundui ulunnu rapang ruku' ta'layuka. Akka'rangko kaeng karung nampa nukiori au, nampa attinroko rateanna. Iakaminjo nukanaya appuasa? Nukapangi angkana sannangi nyawaKu ancini' anjo panggaukang kammaya?

ZAKHARIA 14:21

Sikontu panci niaka ri Yerusalem siagang ri sikontu Yehuda lanisa'laki nipakatangkasa' untu' Napatang Batara Kaminang Koasaya. Pandudu' angngeranga koro'bang passare lanapakei untu' ampallui dageng lanapassareanga. Punna battu sallang anjo wattua, tenamo nania' padanggang ri Balla'Na Batara Kaminang Koasaya.

MATIUS 14:19

Nasuromi anjo tau jaia ammempo naung ri paranga. Le'baki anjo, Naallemi anjo roti limambatua siagang juku' ruang kayua. Nampa acconga nai' ri langika, appala' sukkuru' ri Allata'ala. Nabage-bagemi anjo rotia, nampa Napassareang mae ri ana'-ana' gurunNa, sollanna natawa-tawai anjo tau jaia.

MATIUS 15:36

Nampa Naalle anjo roti tujumbatua siagang anjo jukuka. Le'baki appala' sukkuru' ri Allata'ala, Nabage-bagemi anjo rotia siagang jukuka nampa Napassareang mae ri ana'-ana' gurunNa. Natawa-tawaimi ke'nanga anjo tau jaia.

YOHANES 6:28

Akkuta'nammi ke'nanga ri Ia angkana, “Apa musti nagaukang ikambe, untu' anggaukangi ero'Na Allata'ala?”

GALATIA 4:10

Nupakalompoi allo-allo attantua, bulang-bulang attantua, siagang taung-taung attantua.