ROMA 14:3 - KITTA' MATANGKASA'

³ Inai-nai a'rupa-rupa akkulle nakanre, teai nacini' tunai tau kanre-kanreang attantuaji bawang nakanre; na inai-nai kanre-kanre attantuaji bawang nakanre, teai napasalai tau a'rupa-rupaya nakanre, nasaba' anjo taua nitarimami ri Allata'ala.

ROMA 14:3 ပူးပေါင်းရင်းမြစ်များ

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

MATIUS 9:14

Le'baki anjo battumi ana'-ana' gurunna Yohanes Paje'ne' mae ri Isa. Akkuta'nammi ke'nanga ri Isa angkana, “Angngapa natappuasaya Katte ana'-ana' gurunTa, na ikambe anne siagang tu Farisia appuasaki'?”

LUKAS 18:9

Nacarita tommi Isa anne pangngebarang tattujua mange ri tau ancini' tunayai paranna tau, na nakana kalennaji bawang baji'.

LAMPA-LAMPANA 10:34

Nakanamo Petrus, “Kamma-kamma anne ma'nassa nupahang tojemmi angkanaya Napasangkamma ngasengi Allata'ala sikamma rupataua.

LAMPA-LAMPANA 10:44

Sitabang a'bicarana ija Petrus, naummi RohNa Allata'ala, nanakoasai sikamma tau allangngerekai anjo kabaraka.

LAMPA-LAMPANA 28:2

Sanna' ngaseng baji'na tuma'buttana anjo puloa mae ri kambe. Natarima maki' baji'-baji' siagang naparinrang maki' pepe' nasaba' appakkaramulami turung bosia kammayatompa sanna' tommo dinginna pakkasiaka.

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

ROMA 14:1

Musti nutarimai siagang baji' tau lammaya tappa'na sangkamma sari'battannu. Teako a'geakki siagang ia ri passala' panggappana.

ROMA 14:10

Jari, sikamma sari'battangku! Apa saba'na nanupasala sari'battang julu tappa'nu? Siagang apa saba'na nanucini' tunai? Ikatte anne lamange ngasenjaki' andallekang nakiniadeli ri dallekanNa Allata'ala.

ROMA 14:13

Lanri kammana, takkulleaki' massing sisalakang. Mingka usahakangi natena nugaukangi apa-apa akkullea ampasala oloangi sari'battang julu tappa'nu, sa'genna doraka.

ROMA 14:15

Mingka punna passala' anjo apa nukanrea napa'risi pa'mai' sari'battang julu tappa'nu, tenamo namangngamaseang batenu appanggaukang. Punna le'ba'mo mate Almasi untu' anjo taua, teako balang parekangi a'jari panra' anjo taua passabakkang apa-apa nukanrea.

ROMA 14:21

Bajikangang teako angnganrei dageng yareka teako angnginungi anggoro' yareka teako anggaukangi apa-apa mamo, punna passabakkang ia anjo na'jari doraka sari'battang julu tappa'nu.

ROMA 15:7

Lanri kammana, paralluko massing sitarima siagang te'ne pa'mai', sangkamma nitarimanu todong ri Almasi untu' ampakala'biriki Allata'ala.