ROMA 14:21 - KITTA' MATANGKASA'

²¹ Bajikangang teako angnganrei dageng yareka teako angnginungi anggoro' yareka teako anggaukangi apa-apa mamo, punna passabakkang ia anjo na'jari doraka sari'battang julu tappa'nu.

ROMA 14:21 ပူးပေါင်းရင်းမြစ်များ

MALEAKHI 2:8

Mingka kamma-kamma anne, ikau ngaseng, sikamma imanga, ammengkamako battu ri oloang tojenga. Jai tau anggaukangi salaya lanri ajarang-ajarannu. Nupanrakimi parjanjiang Kupareka siagang ikau ngaseng.

MATIUS 13:21

Mingka tena nasallo attahang anjo kabaraka lanri tenana nabaji' angngaka'na anjo kabaraka lalang ri atinna ke'nanga. Punna natabamo susa yareka passessa ke'nanga lanri anjo kabaraka, ta'giling memammi silalonna atinna ke'nanga.

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

ROMA 14:13

Lanri kammana, takkulleaki' massing sisalakang. Mingka usahakangi natena nugaukangi apa-apa akkullea ampasala oloangi sari'battang julu tappa'nu, sa'genna doraka.

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

1 KORINTUS 8:13

Lanri kammana, punna passabakkang apa kukanrea nadoraka sari'battangku, tena sikalimo nakuero' angkanrei anjo dageng kammaya. Nasaba' gassingka passabakkang inakke nadoraka sari'battangku.

1 KORINTUS 8:9

Mingka tutuko! Gassingka passabakkang sangka' rupana nugaukang na'jari doraka todong tau maraenga, lanri tenanapa najarre' tappa'na ke'nanga.

FILIPI 1:10

sollanna akkulle nuasseng ampilei apa kaminang bajika natangkasa' katallassannu battu ri kakodianga siagang battu ri tuduhang apa-apa mamo punna narapi' sallang allo kabattuanNa ammotere' Almasi.

IBRANI 12:13

Oloang lapparaka tuli nuolo a'jappa, sollanna tena natassala ura'na anjo bangkeng lammanu, mingka a'jari bajiki ammotere' ba'lalo.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.