ROMA 14:2 - KITTA' MATANGKASA'

² Nia' tau nakana a'rupa-rupai kanre-kanreang akkulle nakanre. Mingka nia' todong tau lammai tappa'na nanakana gangang-ganganji akkulle nakanre.

ROMA 14:2 ပူးပေါင်းရင်းမြစ်များ

PA'JARIANG 1:29

Kusareangko sikontu poko'-poko' kayu a'lisereka rapponna siagang rappo-rappoang maraenganga untu' a'jari kanrenu.

PA'JARIANG 9:3

Yangasenna anjo akkullei a'jari kanrenu, sangkammaya tompa lamung-lamung moncongbuloa; yangasenna anjo Kupassareangi ri kau untu' a'jari kanrenu.

PANGNGEBARANG 15:17

Bajikangngangi gangang bawang nikanre assala' sikamaseangi taua, kala angnganrea dageng mingka sikabirisi taua.

DANIEL 1:12

“So'rimi ikambe lalang sampulo allo; gangang-gangammo bawang siagang je'ne' sareangi ikambe untu' kanre siagang je'ne' inung.

DANIEL 1:16

Appakkaramula anjo wattua, anjo pangawalaka tenamo napatalangi ke'nanga kanre siagang je'ne' inung napattantua karaenga, passangalinna gangang-ganganji siagang je'ne' inung biasaji bawang.

ROMA 14:1

Musti nutarimai siagang baji' tau lammaya tappa'na sangkamma sari'battannu. Teako a'geakki siagang ia ri passala' panggappana.

ROMA 14:14

Lanri assileo'na katallassangku siagang Batara Isa, tappa' sikalima' angkanaya sikontutojenna tena apa-apa harang ri passala'na sikontu apa-apa nikanrea; mingka harangi anjo apa-apaya mae ri se'reang tau, punna niharangngangi ri anjo taua.

ROMA 14:20

Teako passabakkang apa-apa nikanre, nanupanraki apa-apa le'baka Napare' Allata'ala. Memang sikontu kanre-kanreanga hallala' ngasengi untu' nikanre; mingka punna passabakkang anjo apa nukanrea nadoraka taua, sala mako.

ROMA 15:1

Ikatte tau tappa' tojeng-tojenga ri apa nipatappaka musti sa'barakki' punna akkabaratangi tau lammaya tappa'na mae ri katte. Takkulleaki' kasannangang kalenta bawang niboya.

1 KORINTUS 10:25

Sikamma dageng niaka nibalukang ri pasaraka akkullei nukanre. Tea' mako paressai rolong, manna pole nania' bata-batana nyawanu.

1 KORINTUS 8:9

Mingka tutuko! Gassingka passabakkang sangka' rupana nugaukang na'jari doraka todong tau maraenga, lanri tenanapa najarre' tappa'na ke'nanga.

1 KORINTUS 9:22

Kupa'jari kalengku sanrapang tau tenaya najarre' tappa'na ri tangnga-tangngana tau tenaya najarre' tappa'na, sollanna akkulle kubeso' ke'nanga a'jari tumminawang ri Almasi. Bodona kana, kupa'jari kalengku sanrapang apa-apa mamo, sollanna a'rupa-rupai carana nakkulle kuerang taua mae ri Almasi nanipasalama'.

GALATIA 2:12

Uru-uruna ammempoi sipangnganreang siagang sari'battang battua ri bansa maraenga. Mingka ri wattunna nia' battu tau nasuroa Yakobus, napakabellami kalenna battu ri anjo sari'battang battua ri bansa maraeng. Taerokami ammempo sipangnganreang siagang ke'nanga, nasaba' mallaki mae ri tau eroka assuro sunna' ngasengi taua.

1 TIMOTIUS 4:4

Sikontu apa-apa Napa'niaka Allata'ala sikontutojenna baji' ngasengi; tena manna sirupa akkulle niharangngang punna nitarimai siagang sukkuru' battu ri Allata'ala.

TITUS 1:15

Sikontu apa-apaya tangkasa' ngasengi mae ri tau tangkasaka. Mingka mae ri tau ra'masaka pikkiranna siagang tau tenaya natappa' tena sikali apa-apa matangkasa', nasaba' ra'masa'namo pikkiranna siagang ati mailalanna ke'nanga!

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.