ROMA 14:13 - KITTA' MATANGKASA'

¹³ Lanri kammana, takkulleaki' massing sisalakang. Mingka usahakangi natena nugaukangi apa-apa akkullea ampasala oloangi sari'battang julu tappa'nu, sa'genna doraka.

ROMA 14:13 ပူးပေါင်းရင်းမြစ်များ

2 SAMUEL 12:14

Mingka lanri kihinana Batara battu ri anjo panggaukanta, anjo ana' bura'neta beru lassuka lamatei.”

YESAYA 57:14

Nia' tau angkana, “Pareki siagang pasadiai oloanna ummakKu, pakabellai sikontu anrompaia.”

YEHEZKIEL 14:3

“He tau, sikamma anne taua napappirannuammi kalenna mae ri barhalaya sa'genna ta'loposo'mo ke'nanga antama ri dosaya. Masakang erokKa' nikuta'nang ri ke'nanga?

KAIMANGNGANG 19:14

Teako tunrai tau tongoloka siagang teako attannangi batu pattato'roang ri dallekanna tau butaya. Paralluko appakala'biri' siagang malla' mae ri Nakke, saba' iNakke Karaeng Allata'alanu.

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

MATIUS 18:7

Teai sipato' cilakana anne linoa lanri jaina passabakkang na'jari doraka rupataua. Mingka memang tuli lania'na anjo passabakkang kammaya. Mingka la'biangampa cilakana tau a'jari passabakkanga nadoraka paranna tau!

MATIUS 7:1

“Teako mangngadeli ri parannu tau, sollanna tena todong Naadeliko Allata'ala.

LUKAS 12:57

“Angngapa nateai kalennu ampattantui apa-apa tojenga?

LUKAS 17:2

Bajikangangi punna nigentungi batu kallonna nampa nipela' antama' ri tamparanga anjo tau kammaya, kala la'jaria passabakkang na'gau' dosa kalase'renna sikamma anne tau ca'dia.

ROMA 11:9

Nakana todong Daud, “Balang pare'na a'jari sikko' mae ri kalenna passua'-suarrang kalenna ke'nanga, siagang a'jari kalo'bang napatu'guria ke'nanga, napanra'.

ROMA 14:10

Jari, sikamma sari'battangku! Apa saba'na nanupasala sari'battang julu tappa'nu? Siagang apa saba'na nanucini' tunai? Ikatte anne lamange ngasenjaki' andallekang nakiniadeli ri dallekanNa Allata'ala.

ROMA 14:3

Inai-nai a'rupa-rupa akkulle nakanre, teai nacini' tunai tau kanre-kanreang attantuaji bawang nakanre; na inai-nai kanre-kanre attantuaji bawang nakanre, teai napasalai tau a'rupa-rupaya nakanre, nasaba' anjo taua nitarimami ri Allata'ala.

ROMA 14:4

Inaikoka antu sa'gennu akkulle angngadeli atanna tau maraenga? Natu'gurukka yareka nambangungka anjo ataya, anjo urusanna karaenna. Na memang lammentengi nai' anjo ataya, lanri Makoasai Batara ampamentengi nai'.

ROMA 16:17

Sikamma sari'battangku ngaseng! Sanna' kupala'na mae ri kau ngaseng: tutuko mae ri tau eroka appasisala-sala siagang tau eroka angkacoi tappa'na taua mae ri Batara. Assisalai anjo kammaya siagang apa le'baka nipangngajarrang mae ri kau. Pakabellai kalennu battu ri tau kammaya anjo.

1 KORINTUS 10:32

Bajikimi batenu attallasa', sollanna tena napassabakkang ikau na'gau' dosa tau maraenga; baji' na tu Yahudi yareka bansa maraenga, yareka anggota jama'aNa Allata'ala.

1 KORINTUS 11:13

Coba sai nutimbang anne passalaka: Maka bajiki punna tena na'bongong tu bai'-bainea ri wattunna appala' doang mae ri Allata'ala ri dallekanna tau jaia?

2 KORINTUS 5:14

PangngamaseanNami Almasi makoasa mae ri kambe; nanaassemmo ikambe angkanaya punna matemo tau se'rea untu' kaparalluanna sikontu rupataua, anjo battuanna angkanaya mate ngasemmi sikontu rupataua.

2 KORINTUS 6:3

Taerokai ikambe angkanaya nibilang salai palayanang nagaukanga ikambe. Jari usahami ikambe sollanna tena manna sitau akkulle ampasalai jama-jamang nagaukanga ikambe.

FILIPI 1:10

sollanna akkulle nuasseng ampilei apa kaminang bajika natangkasa' katallassannu battu ri kakodianga siagang battu ri tuduhang apa-apa mamo punna narapi' sallang allo kabattuanNa ammotere' Almasi.

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

YAKOBUS 2:4

Lanri kammana anjo batenu, nupassimmara'-maraemmi parannu tau siagang pikkirang ja'dala'mi nupake angnganggaraki parannu tau.

YAKOBUS 4:11

Sikamma sari'battangku; teako assicalla-callai yareka teako assisala-salakangi. Inai-nai ancallai yareka ansalakangi paranna tu Karisteng, nacallami siagang nasalakammi hukkunNa Allata'ala. Na punna nusalakammo hukkung-hukkunNa Allata'ala, ma'nassa tenamo nanuturuki anjo hukkung-hukkunga, passangalinna a'jari mako haking mae ri anjo hukkung-hukkunga.

1 YOHANES 2:10

Inai-nai angkamaseangi sari'battanna, anjo taua attallasa'mi lalang ri singaraka, sa'genna tenamo apa-apa ri kalenna akkullea a'jari saba' natu'guru' naung ri dosaya paranna tau.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.