ROMA 13:7 - KITTA' MATANGKASA'

⁷ Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

ROMA 13:7 ပူးပေါင်းရင်းမြစ်များ

1 KARAENG-KARAENG 3:17

Kalase'renna ri ke'nanga angkana, “Karaeng mala'biri', inakke siagang anjo bainea siballakka'. Tena tumaraeng naagang ikambe ammantang. Siapa are allo allaloa, allassukanga' sitau ana' bura'ne. Ruangallo ribokoangannaya allassukang tommi anne bainea sitau ana' bura'ne.

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

PANGNGEBARANG 24:21

Ana', mallakko ri Batara, siagang pakalompoi karaenga. Teako katuru'-turukangi mae ri tau angngewayai ke'nanga.

PANGNGEBARANG 3:27

Punna nia' pakkullenu untu' anggaukangi bajika mae ri tau parallua ri kabajikannu, teako tollaki untu' anggaukangi anjo kammaya.

KAIMANGNGANG 19:3

Sikontu taua musti napakala'biriki anrong manggena, siagang napakalompo Allo Pammari-marianga sangkamma Kuparentakanga. INakke Karaeng Allata'alanu.

KAIMANGNGANG 19:32

Angngalikko siagang pakala'biriki tau toaya. Paralluko mappakala'biri' siagang malla' mae ri Nakke, nasaba' iNakkemi Batara.

MATIUS 17:25

Appialimi Petrus nakana, “A'bayaraki.” Ri wattunna ammotere' Petrus, nikuta'nammi ri Isa angkana, “O Simon, antekamma panggappanu? Inai musti a'bayara' sussung yareka sima, mae ri pammarentana anne linoa? Ra'yaka yareka tu battu pantarang pa'rasangang?”

MATIUS 22:21

Appialimi ke'nanga angkana, “Karaenga pata gambara' siagang areng.” Nakanamo Isa ri ke'nanga, “Jari punna kamma, sareammi Karaenga apa napatanga Karaenga; nanusareang Allata'ala apa Napatanga Allata'ala.”

MARKUS 12:17

Nakanamo Isa, “Punna kamma, sareangi Karaenga apa-apanna Karaenga, siagang sareangi Allata'ala apa-apanNa Allata'ala.” Lannasa'mi ke'nanga allangngereki anjo pappialinNa Isa.

LUKAS 20:22

Jari Kipau sabeki ri kambe, angkanaya, maka akkullei taua a'bayara' sima mae ri karaenga yareka tena, situru' atoranna agamata?”

LUKAS 20:25

Nakanamo Isa ri ke'nanga, “Punna kamma, sareangi Karaenga apa napatanga Karaenga, siagang sareangi Allata'ala apa Napatanga Allata'ala.”

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

ROMA 12:10

Musti massing sikamaseang duduko sangkamma tau assari'battanga lalang se're balla'; kammayatompa massing sipirioloiko assare sallang.

ROMA 13:6

Lanri kammana tommi anjo nanua'bayara' sima; nasaba' anjo pamarentaya pagaweNa Allata'ala ampajappayai anne tugasa'na memang.

EFESUS 5:33

Mingka anjo ayaka nia' todong passisambunganna siagang kalennu: Sikontu tu bura'nea parallui nakarimangngi tubainenna, sanrapang anjo bainenna batangkalenna tonji; kammayatompa sikontu bainea musti napakalompoi tu bura'nenna.

EFESUS 6:5

Ikau a'jari pajamaya! Turuki parentana pinggawanu ri anne linoa. Gaukangi anjo parentana siagang lompo pangngali', malla', kammayatompa attojeng-tojeng, sanrapang angkanaya anjo sikammaya nugaukangi mae ri KalenNa Almasi.

1 TIMOTIUS 5:13

Nampa pole napela'-pela' salami wattunna ke'nanga assulu' antama' ri balla'na taua. Siagang la'bi kodianganga pole, iamintu appilajara'mi ke'nanga ambotto'-bottoki arenna taua; siagang napantama'-tamakki urusanna tau maraenga, kammayatompa nabicarami apa-apa tenaya nasiratang nibicara.

1 TIMOTIUS 5:17

Sikamma pamimping anggaukang bajikai jama-jamanna siratangi a'lappi rua batena nipakala'biri', la'biangampa ia rajenga akkato'ba siagang angngajara'.

1 TIMOTIUS 6:1

Ia tu Karisteng a'jari ataya, musti napassiratangi napakala'biri' pinggawana, sollanna takkullea taua ambotto'-bottoki arenNa Allata'ala yareka pangngajaranta.

1 PETRUS 3:7

Ikau pole, sikamma bura'-bura'nea, parallui baji' pammahannu mae ri bainennu; parallui nuasseng angkanaya anjo tubai'-bainea tau lammai. Bajiki panggaukannu mae ri ia, nasaba' lasiagang ngasengko ke'nanga lantarimai passare lammoro'Na Allata'ala iamintu katallassang sitojennaya. Gaukangi anne kammaya, sollanna tena anrompai pappala' doangannu.

1 SAMUEL 12:18

Nampa appala' doammo Samuel; na ia memang anjo alloa appaturummi Batara gunturu' siagang bosi. Sikontu anjo bansaya a'jari malla' ngasemmi ri Batara siagang mae ri Samuel.