ROMA 13:6 - KITTA' MATANGKASA'

⁶ Lanri kammana tommi anjo nanua'bayara' sima; nasaba' anjo pamarentaya pagaweNa Allata'ala ampajappayai anne tugasa'na memang.

ROMA 13:6 ပူးပေါင်းရင်းမြစ်များ

2 SAMUEL 8:5

Tu Siria battua ri Damsyik akkiringi tantara untu' ambantui Karaeng Hadadezer. Mingka nabetai Daud ke'nanga siagang nabunoi nia' 22.000 jaina tau battu ri ke'nanga.

1 PATTOTTORANG 18:14

Kammaminjo ammarentami Daud ri sikontu Israel siagang najagai sollanna tuli nakasia ra'ya'na nikanaya kaadelang siagang kabajikang.

EZRA 4:13

Punna akkulle nabangung ammotere' anjo kotaya siagang le'ba' nabangung tembo'-tembo' kalli'na, talaerokami pandudu'na a'bayara' paja', sa'genna kurammo panggappanna kakaraenganga.

EZRA 4:20

Le'baki nia' siapa are karaeng barani ammarenta anjoreng siagang nakoasai sikontu daera propinsi bageang ilau', nampa appajappa paja' siagang passare mae ri karaenga.

EZRA 6:8

Kamma-kamma anne kuparentakang ngasengko sollanna nubantu ke'nanga lalang anjo pambangunanga. Kamma anne batenu ambantui: Sikontu ongkoso' pambangunanga musti nuallei battu ri wassele' paja' negaraya ri propinsi Efrat bageang ilau' nampa musti nusareangi ke'nanga silinta'-linta'na.

NEHEMIA 5:4

Siagang nia'mo pole angkana, “Le'baki ikambe angnginrang doe' untu' nipa'bayarrang ri sima napattantua karaenga untu' kokonna siagang koko anggoro'na ikambe.

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

ROMA 12:8

Tau niaka pakkullena untu' ampakajarreki paranna tau, musti napakajarre' tojeng-tojengi paranna tau. Tau niaka pakkullena untu' assarei apa-apanna paranna tau, musti lammoro' pa'maiki, situru' siratannaya assare ri paranna tau. Tau niaka pakkullena untu' ammimping, musti ammimping tojeng-tojengi. Tau niaka pakkullena untu' ampappicinikangi pangngamaseanna mae ri paranna tau, musti napappicinikangi anjo pangngamaseanna situlusu' pa'mai'na mae ri paranna tau.

ROMA 13:5

Lanri kammanami anjo namusti mannurukiko mae ri pamarentaya – teai lanri teanuja bawang nihukkung, mingka lanri ero'na memang todong pa'mai'nu.

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.