ROMA 13:2 - KITTA' MATANGKASA'

² Lanri kammanami anjo, napunna nia' tau angngewai pamarentaya, sangkamma le'ba'mi angkanaya naewai anjo apa le'bakamo Napattantu Allata'ala. Na inai-nai appanggaukang kamma anjo iami langgappa hukkungang.

ROMA 13:2 ပူးပေါင်းရင်းမြစ်များ

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

MARKUS 12:40

Sarro nangai tongi ke'nanga natipu janda-jandaya siagang naalleang balla'na. Na sollanna akkulle natongkoki anjo kaja'dallanna ke'nanga, sarro nangai ke'nanga nala'bu-la'bui punna assambayangi. Mingka sanna' battala'na sallang hukkungang lanagappaya ke'nanga!”

LUKAS 20:47

Nangai ke'nanga antipui siagang angngalle passai balla'na janda-jandaya. Kammayatompa nangai ke'nanga alla'bu-la'bui sambayanna, sollanna akkulle nacokko kaja'dallanna ke'nanga! Iaminjo nateai sipato' battala'na hukkunganna ke'nanga sallang!”

ROMA 13:1

Yangasenna taua musti mannuruki mae ri pamarentaya; nasaba' tena pamarenta tabattua ri Allata'ala kakoasanna. Siagang anne pamarenta ri kamma-kammaya anne, napajappai kakoasanna situru' Napassuroanga Allata'ala.

ROMA 13:3

Nasaba' inai-nai a'gau' baji' tena naparallu malla' mae ri pamarentaya. Iaji tau a'gau' kodia musti malla'. Punna erokko tena numalla' ri pamarentaya, musti a'gau' bajikko, nanuanggappa pammuji.

ROMA 13:5

Lanri kammanami anjo namusti mannurukiko mae ri pamarentaya – teai lanri teanuja bawang nihukkung, mingka lanri ero'na memang todong pa'mai'nu.

ROMA 9:19

Jari, lanukana kapang ri nakke, “Punna kamma, apa saba'na Naero' ija Allata'ala ampasalai rupataua? Sai manna inai takkulleaji natahang ero'Na Allata'ala?”

TITUS 3:1

Piu'rangiangi anggota-anggota jama'anu sollanna mappilangngeri mae ri pamimping-pamimpinga siagang mae ri tau anna'galaka koasa ri pa'rasanganga; kammayatompa mannuruki siagang sadia anggaukangi sikamma kabajikanga.

YAKOBUS 3:1

Sikamma sari'battangku! Teako jai dudui ero' a'jari guru. Nuassengi angkanaya ikatte a'jari gurua lala'bi terassangangi punna niadeliki' na tau maraenga.

1 PETRUS 2:13

Lanri Batara, paralluko mappilangngeri mae ri tau anna'galaka koasa: baji' namae ri karaeng a'jari Kapala pamarentahang,