ROMA 12:7 - KITTA' MATANGKASA'

⁷ Tau niaka pakkullena untu' antulungi paranna tau, musti natulung tojeng-tojengi paranna tau. Tau niaka pakkullena untu' angngajara', musti angngajara' tojeng-tojengi.

ROMA 12:7 ပူးပေါင်းရင်းမြစ်များ

PAMMUJI 34:11

Cipuru' tommi singa-singaya lanri kakurangang ri kanre; mingka tau anynyombaya ri Batara tena nakakurangang.

PAMMUJI 51:13

TeaKi' pelakkia' battu ri dallekanTa, teaKi' allei roh matangkasatTa battu ri nakke.

KATO'BA 12:9

Anjo lapung Tau Assarea Pangngajarang bajiki akkala'na siagang cara'deki. Lanri kammana anjo napangngajarrangi anjo pangngassenganna mae ri rupataua. Jai pangngebarang napappilajari nampa nauji katojenganna.

YESAYA 21:8

Nampa ammarrammo anjo pajagaya angkana, “O, Karaeng, le'ba'ma' a'jaga allo-allo, a'jaga allo bangngi.”

MATIUS 28:19

Jari a'lampamako mange ri sikontu bansaya ri lino, pa'jarimi ke'nanga ana'-ana' gurungKu. Je'neki ke'nanga lalang arenNa Manggea, siagang Anaka, kammayatompa RohNa Allata'ala.

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

LAMPA-LAMPANA 13:1

Ri jamaah Antiokhia nia' siapa are na'bi siagang guru. Areng-arenna ke'nanga iamintu: Barnabas, Simeon nigallaraka I Le'leng, Lukius battua ri Kirene, Menahem siaganga Herodes niparakai sa'genna lompo, siagang Saulus.

LAMPA-LAMPANA 20:20

Nuasseng ngasemmi angkanaya tena nakumalla'-malla' ampauangko apa niaka matu-matunna mae ri kau. Kusareko pangngajarang lalang ri pa'rappunganna tau jaia, yareka massing ri balla'nu ngaseng.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

LAMPA-LAMPANA 6:1

Pila' sallo, pila' jaimi tau tappa' ri Isa. Anjo wattua a'jari tenamo nasannang nyawana tau tappa' bansa Yahudi a'bicara Yunania mae ri tau tappa' bansa Yahudi totoka. Nakanamo a'bicara Yunania, “Sikamma bai'-baine janda niaka ri kambe tanibageiyai ongkoso' kaparalluang allo-allo nipa'bage-bageanga mae ri taua.”

1 KORINTUS 12:28

Sangkamma tomminjo sanrapanna lalang ri jama'aka; le'ba'mi Napattantu Allata'ala massing tampa'na tasse're-se'rea tau: uru-uruna nia' a'jari tunisuroNa Allata'ala, makaruana na'bi-na'bi, makatalluna guru-guru, nampa anggaukanga gau' appakalannasa' nampa nia' maraenganga nisare pakkulle untu' ampakabajiki tau garringa, yareka untu' antulungi paranna tau, yareka untu' ammimping, yareka kacara'dekang untu' a'bicara a'rupa-rupa bicara appakalannasaka.

1 KORINTUS 12:5

A'rupa-rupai jama-jamang untu' allayani Batara, mingka anjo Batara nilayania, Batara se're tonji bawang!

1 KORINTUS 14:26

Jari, apa ngaseng battuanna anne, sari'battang? Punna a'rappungangko ero' anynyomba ri Batara, bajiki punna nia' akkelong, nia' angngajara', nia' ampabattui apa-apa battua ri Allata'ala, nia' a'bicara siagang bicara appakalannasaka siagang nia' ampakasingaraki battuanna anjo bicara appakalannasaka. Mingka yangasenna anjo musti nugaukangi untu' angngajara' siagang untu' kabajikannu ngaseng.

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

EFESUS 4:11

Iami “assarei sikamma passarea mae ri rupataua”; nia' Nasare pangngellai a'jari tunisuro, na maraenganga Nasare pangngellai a'jari na'bi; maraengannaya pole Nasarei pangngellai a'jari paerang Kabara' Baji'; na maraengannaya pole Nasarei pangngellai a'jari tummarakai jama'ah siagang a'jari guru.

PAOLE 33:10

Naajaraki ummatTa anturuki hukkunTa, siagang assare koro'bang irate ri tampa' pakkoro'bangnganTa.

KOLOSE 4:17

Siagang pauangi Arkhipus, angkanaya, “Pa'le'baki jama-jamang nipassareanga mae ri kau untu' allayani Batara.”

1 TIMOTIUS 2:7

Na iaminjo saba'na kunisuromo a'lampa mange ri bansa-bansa maraenga untu' ambirittakangi mae ri ke'nanga biritta ri sesena katappakkang annabaya. Anne kupabattua ma'nassa biritta kontutojeng; tena nakua'balle-balle.

1 TIMOTIUS 3:2

Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;

1 TIMOTIUS 4:16

Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

1 TIMOTIUS 5:17

Sikamma pamimping anggaukang bajikai jama-jamanna siratangi a'lappi rua batena nipakala'biri', la'biangampa ia rajenga akkato'ba siagang angngajara'.

2 TIMOTIUS 2:2

Anjo pangngajarang le'bakamo nulangngere' battu ri nakke ri dallekanna tau jaia, parallui nupappirannuang mae ri sikamma tau akkullea nipatappa' siagang cara'deka angngajaraki tau maraenga.

2 TIMOTIUS 2:24

Inai-nai anjama-jama untu' Batara tasiratangai a'besere'; musti sombereki mae ri yangasenna taua, siagang akkullei naajara' taua siagang baji' na sa'bara'.

2 TIMOTIUS 4:2

Parallui nubirittakang anjo biritta battua ri Allata'ala; paralluko tuli sadia lalang ri wattu bajika yareka ri wattu tenaya nabaji'. Parallui nupa'jari tappa' taua, nupauang kasalanna, siagang nupakamaju ke'nanga. Sa'bara' tojeng-tojengko angngajaraki taua.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.