ROMA 12:6 - KITTA' MATANGKASA'

⁶ Massing nia' pakkulle untu' allayani Napassareang Allata'ala mae ri katte, tenaya nasangkamma ngaseng. Anjo pakkullea, passare battu ri Allata'ala lanri pangngamaseanNa mae ri katte. Lanri kammana, musti nipakei anjo pakkullea. Tau anggappaya passare untu' ambirittakangi biritta battua ri Allata'ala, musti nabirittakangi situru' pakkullena anjo biritta battua ri Allata'ala.

ROMA 12:6 ပူးပေါင်းရင်းမြစ်များ

MATIUS 23:34

Pilangngerimi baji'-baji': LaKusuroi battu ri kau na'bi-na'bia, tu cara'deka, siagang guru-gurua; na nia'mo ri ke'nanga nubuno, nia' tommo nusalli'. Nia' nusessa lalang ri balla' sambayanga, na nia' tommo nuondang mange-mange ri kota-kotaya.

MATIUS 25:22

Nampa battu tommi anjo palayang annarimaya ruassa'bu doe' ringgi' bulaeng. Nakana ri karaenga, ‘O karaeng, ruassa'bu doe' ringgi' bulaeng le'ba' kisareanga'. Kicini' minne, nia' kugappa ruassa'bu passawallang.’

LUKAS 11:49

Iaminjo na nakanamo Kana mabaji'Na Allata'ala, ‘LaKusuroi na'bi-na'bia siagang tunisuroKu mange ri ke'nanga; mingka nia'mo sipa'gang lanabuno, siagang nia'mo sipa'gang lanasessa!’

LAMPA-LAMPANA 13:1

Ri jamaah Antiokhia nia' siapa are na'bi siagang guru. Areng-arenna ke'nanga iamintu: Barnabas, Simeon nigallaraka I Le'leng, Lukius battua ri Kirene, Menahem siaganga Herodes niparakai sa'genna lompo, siagang Saulus.

LAMPA-LAMPANA 15:32

Anjo Yudas siagang Silas, na'bi-na'bi todong, salloi sipa'bicara siagang sikamma tu tappaka ri Antiokhia; napakalompomi sumanga'na siagang napakajarre'mi tappa'na anjo sikamma tu tappaka.

LAMPA-LAMPANA 2:17

Nakana Allata'ala, ‘Ri allo kala'busanna jammanga laKupaturungi RohKu mae ri sikamma taua. Lanapabattuangko ana'-ana' bura'nenu siagang ana'-ana' bainenu sikamma apa-apa le'baka Kupabattu mae ri ke'nanga. Lanaciniki tu rungkanu apa-apa Kupappicinikanga mae ri ke'nanga. Lasso'nai tu toa-toanu, iamintu so'na Kupabattua mae ri ke'nanga.

LAMPA-LAMPANA 21:9

Nia' appa' ana' tulolona le'ba' nisare pakkulle ri Allata'ala ampa'la'bangi Kabara' Baji' battua ri Allata'ala.

ROMA 1:11

Nasaba' cinna dudua' angngagangko assicini' ngaseng, sollanna akkulle tongko kubagei passare pangngamaseanNa RohNa Allata'ala, nukkulle nipakajarre'.

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.

1 KORINTUS 12:18

Nicini'mi angkanaya Naboli'mi Allata'ala anjo anggota-anggota tubua lalang ri tubua. Massing-massimmi Naboli' Allata'ala ri pammantanganna lalang ri tubua situru' Nakaerokia Allata'ala.

1 KORINTUS 13:2

Manna pole cara'deka' ampabattui biritta battua ri Allata'ala, siagang kupahang apa-apa sukkaraka, kupahang baji' ngaseng apa-apaya, kammayatompa sanna' lompona tappakku mae ri Allata'ala sa'genna akkulle kupalette' buluka, mingka tena kumangngamaseang mae ri parangku tau, a'jari tena sikalimo matu-matungku!

1 KORINTUS 14:1

Usahakangi mangngamaseanga ri parannu tau siagang usahakang tongi sollanna nutarima sikamma passare battua ri RohNa Allata'ala; lomoro' se'rea iamintu nanutarima pakkullea untu' ampabattui sikamma rancanaNa Allata'ala mae ri rupataua.

1 KORINTUS 14:24

Mingka punna appabattu ngasengko biritta battu ri Allata'ala, nampa nia' hadere' se're tu tenaya na Karisteng yareka tu battu pantarang, akkullemi nupakasingariang ngaseng dosa-dosana anjo taua, siagang akkullemi nasadari ngaseng dosa-dosana.

1 KORINTUS 14:29

Punna nia' rua yareka tallu tau ampabattui biritta battua ri Allata'ala, musti nia' maraenganga antimbangi anjo apa napabattua ke'nanga.

1 KORINTUS 3:5

Sikontutojenna inai anjo Apolos? Siagang inai anjo Paulus? Ikambe anne poro palayanNa jaki' bawang Allata'ala, ia le'baka ampimpingko sollannu tappa' mae ri Almasi. Ikambe poro nigaukannaji bawang jama-jamang Napassuroanga Batara mae ri kambe.

1 KORINTUS 7:7

Sikontutojenna la'bi kungaiangangi punna a'jari sangkamma ngasengi inakke taua. Mingka massing le'ba' ngasemmi taua anggappa passare battu ri Allata'ala. Nia' tau anggappa passare kamma anne, nia' anggappa passare kamma anjo.

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.

EFESUS 3:5

Riolo tena le'bakai nipau anjo rahasiaya mae ri rupataua; mingka kamma-kamma anne Nasungkemi RohNa Allata'ala mae ri tunisuroNa siagang na'bi-na'biNa.

EFESUS 4:11

Iami “assarei sikamma passarea mae ri rupataua”; nia' Nasare pangngellai a'jari tunisuro, na maraenganga Nasare pangngellai a'jari na'bi; maraengannaya pole Nasarei pangngellai a'jari paerang Kabara' Baji'; na maraengannaya pole Nasarei pangngellai a'jari tummarakai jama'ah siagang a'jari guru.

FILIPI 3:15

Ikatte, tau toayamo ri katallassang rohania, musti nigaukangi kammaya anjo. Mingka punna nia' ri kau maraeng panggappana, KalenNa Allata'ala lampakasingaraki pole mae ri kau.

1 TESALONIKA 5:20

Teako cini' tunai biritta-biritta napabattua RohNa Allata'ala.

2 PETRUS 1:20

Mingka iaminne kaminang parallu sikalia nuu'rangi: Anjo apa-apa lakajarianga sallang, nisero kanaya ri biritta battua ri Allata'ala, takkulleai nibattuangngi situru' pikkirang kalenta.