ROMA 12:20 - KITTA' MATANGKASA'

²⁰ Jari, punna cipuru' musunnu sarei kanre; na punna turerei, sarei je'ne' inung. Nasaba' punna kamma anjo panggaukannu mae ri ia, ma'nassa latu'guru' siri'-siri'mi anjo musunnu.

ROMA 12:20 ပူးပေါင်းရင်းမြစ်များ

PA'JARIANG 42:25

Naparentakammi Yusuf sollanna nibonei gandung sikamma anjo karung naeranga daenna, nampa anjo doe'na ke'nanga massing nipantamaki ri anjo karunga. Kammayatompa sollanna nisare ke'nanga kanre untu' nabokong ke'nanga ri aganga. Nigaukammi anjo parentana.

2 KARAENG-KARAENG 6:22

Appialimi Elisa angkana, “Teaki'! Ba'lalo tantara kijakkalaka lalang pa'bundukanga natakkullea kibuno, la'biangampa anne. Kisarei ke'nanga kanre siagang je'ne' inung, nampa kilappassang ammotere' ke'nanga mange ri karaenna.”

PAMMUJI 120:4

Iamintu ana' pana cidu'na sitaua tubarani, siagang bara pepe' a'rinra-rinraya!

PAMMUJI 140:10

TeaKi' lappassangi musungku ammeta; boli'mi kamma kana-kana ja'dala' napau ke'nanga iaminjo antujui kalenna ke'nanga ampitinaya'.

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

LUKAS 6:27

“Mingka ikau ngaseng niaka ampilangngeriA' ri kamma-kammaya anne, iaminne pappasangKu mae ri kau: kamaseangi musu-musunnu, siagang a'gau' bajikko mae ri tau angkabirisiako.

ROMA 12:21

Teako pa'biangi kalennu nibeta ri kaja'dallanga, passangalinna musti nubetai anjo kaja'dallanga siagang panggaukang baji'.

1 SAMUEL 26:21

Appialimi Saul angkana, “A'gau' dorakama'. Daud, ammotere' mako ana'! Tenamo nakula'gau' ja'dala' mae ri kau, lanri nurellakanga' attallasa' ri bangngia. Tolo sikali panggaukangku. Lingu tojeng-tojemma' nakke!”