ROMA 12:18 - KITTA' MATANGKASA'

¹⁸ Usahakangi sollannu akkulle assiama' ngaseng siagang taua lalang tallasa'nu.

ROMA 12:18 ပူးပေါင်းရင်းမြစ်များ

PA'JARIANG 21:24

Nakanamo Abraham, “Assumpama'.”

2 SAMUEL 20:19

Anne kotana ikambe iamintu kota Abel lompoi, kala se'renna kota kaminang amanga siagang tamamminraya pa'mai'na ri butta Israel. Angngapa nakiero' angngancuruki? Erokki' ampanraki buttaNa Batara?”

PAMMUJI 34:14

Teako appasuluki kana-kana ja'dala', siagang teako nungai akkala' annipua.

PANGNGEBARANG 12:20

Tau nangaia a'rancana kaja'dallang nangai tenaya naadele'; tau angngusahaya kabajikang lamate'nei.

PANGNGEBARANG 3:30

Teako a'besereki siagang tau maraenga, tenaya nale'ba' a'gau' ja'dala' mae ri kau.

MATIUS 5:24

bokoi rolong anjo koro'bannu, nunampa mange assibajiki siagang anjo taua. Punna le'ba' mako assibajiki, nampa mako ammotere' mange ampassareangi anjo koro'bannu mae ri Allata'ala.

MATIUS 5:5

Mate'nei tau tuna pa'maika; nasaba' iami langgappai apa le'baka Napa'janjiang Allata'ala!

MATIUS 5:9

Mate'nei tau mappasiamaka paranna tau; nasaba' iami laniakui ri Allata'ala a'jari ana'-ana'Na!

MARKUS 9:50

Anjo ce'laya bajiki; mingka punna a'jari la'bamo, maka akkulle iji nipa'jari ce'la poleang? Jari paralluko sanrapang ce'laya. Sikatutuiko lalang ri tallasa'nu.”

ROMA 1:15

Iaminjo saba'na nakuero' dudu ampa'la'bang tongi anjo Kabara' Bajika mae ri kau sikamma sari'battangku niaka ammantang ri Roma.

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

ROMA 14:19

Lanri kammana, ia parallua tuli niusahakang iamintu sikamma akkullea appa'nia' passiamakkang siagang sipaenteng mae ri sikamma taua.

1 KORINTUS 7:15

Mingka punna nabokoi anjo taua bainenna yareka bura'nenna Karistengamo, teako tahangi. Laluasako ri anne passalaka, nasaba' Nakellai Allata'ala sollannu tasisala-salaya lalang ri katallassannu.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

EFESUS 4:3

Attojeng-tojengko usaha; sollanna akkulle nukatutui anjo kase'reang le'baka Napare' RohNa Allata'ala, lanri assiama'nu lalang katallassannu.

1 TESALONIKA 5:13

Pakala'biriki ke'nanga sibaji'-baji'na. Kamaseangi ke'nanga, lanri nuu'ranginna jama-jamang nagaukanga ke'nanga. Tuli assiamakko massing para ikau lalang ri katallassannu.

2 TIMOTIUS 2:22

Pakabellai kalennu battu ri kasannang-sannanganna tau rungkaya. Usahako untu' attallasa' situru' ero'Na Allata'ala, untu' majarre' tappa'nu mae ri Ia, mangngamaseang ri parannu tau siagang nia' kasannangang ri atinnu. Kammami anjo batenu attallasa' siagang sikamma tau akkioka appala' tulung mae ri Batara situlusu' atinna.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

1 PETRUS 3:11

Musti napakabellai kalenna battu ri kaja'dallanga nanagaukang kabajikanga; parallui appattujuang tojeng-tojeng untu' anggappai passiamakkanga.

HAKING-HAKING 11:14

Nasuromi pole Yefta mange ri karaeng Amon,