ROMA 12:17 - KITTA' MATANGKASA'

¹⁷ Punna nia' tau a'gau' ja'dala' mae ri kalennu, teako balasaki siagang kaja'dallang. Gaukangi apa nakanaya ngaseng taua baji'.

ROMA 12:17 ပူးပေါင်းရင်းမြစ်များ

PA'JARIANG 42:25

Naparentakammi Yusuf sollanna nibonei gandung sikamma anjo karung naeranga daenna, nampa anjo doe'na ke'nanga massing nipantamaki ri anjo karunga. Kammayatompa sollanna nisare ke'nanga kanre untu' nabokong ke'nanga ri aganga. Nigaukammi anjo parentana.

PANGNGEBARANG 20:22

Teako balasaki kaja'dallanga siagang kaja'dallang; tappakko ri Batara, Iami lantulungko.

PANGNGEBARANG 24:29

Teako angkanai, “Lakubalasaki mae ri ia apa le'baka nagaukang mae ri kalengku!”

MATIUS 5:24

bokoi rolong anjo koro'bannu, nunampa mange assibajiki siagang anjo taua. Punna le'ba' mako assibajiki, nampa mako ammotere' mange ampassareangi anjo koro'bannu mae ri Allata'ala.

MATIUS 5:39

Mingka anne kamma Kukana ri kau ngaseng: teako appasibalasaki gau' kodi mange ri tau le'baka a'gau' kodi ri kau. Passangalinna punna nia' antempaka'rangi pilisi' kanannu, boli'mi kamma natempaka'rang todong pilisi' kairinnu.

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”

ROMA 14:16

Lanri kammana, katutui sollanna tena nanicini' kodi ri parannu tau apa-apa nukanaya baji' ri kalennu.

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

1 TESALONIKA 4:12

Punna kamma ngaseng anjo batenu attallasa', tenamo nulatanjeng mae ri tau maraenga untu' katallassannu; siagang lanianggara' tommako ri tau tenayapa natappa' mae ri Almasi.

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

1 TESALONIKA 5:22

Pakabellai kalennu battu ri sangka' rupaya kaja'dallang.

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

1 PETRUS 3:16

Mingka gaukangi anjo siagang tuna pa'mai'nu yareka siagang baji'. Siagang parallui ci'nong ati mailalannu, sollanna punna nipitinako lanri tappa'nu mae ri Almasi lalang tallasa'nu, lasiri'-siri'mi mae ri kalenna anjo tau ampitinayako.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

RUT 3:14

Jari attinromi Rut anjoreng, ri ampi' bangkenna Boas. Ammukona, ri bari'basa' duduna ija, ambangummi Rut, sollanna tanicinika ri taua. Nasaba' taerokai Boas angkanaya nia' tau angngassengi angkanaya niaki Rut battu mae anjoreng ri anjo tampaka.

1 SAMUEL 26:11

Tapporo Napisangkaia' Batara ambunoi karaeng Napilea! Alle bawammi pokena siagang pammoneang je'ne'na, nampa ki'lampa!”