ROMA 12:16 - KITTA' MATANGKASA'

¹⁶ Massing assiamakko siagang assibajikiko. Teako tinggi langgai, mingka pakatunai kalennu sangkamma tau tunaya. Teako angkanai kalennu cara'de' dudu ri sitojennaya.

ROMA 12:16 ပူးပေါင်းရင်းမြစ်များ

2 PATTOTTORANG 30:12

Manna ri Yehuda Napagio' tonji Allata'ala siagang Napa'julu ati ra'yaka untu' attojeng-tojeng mannuruki ri ero'Na Allata'ala, sa'genna naturuki parentana karaenga siagang pagawe-pagawena.

AYUB 36:5

Anjo Allata'ala tamaka poreNa! Sikontuna Napahang ngasengi. Tena manna sitau Nacini' hina.

PANGNGEBARANG 17:5

Inai ancau-caui tu kasi-asi puppusuka, nahinai Allata'ala Mappa'jarina. Inai rannu lanri kasusaanna tau maraenga, mattantu anggappana hukkungang.

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

PANGNGEBARANG 19:22

Sipa' nitayanga battu ri se'rea tau iamintu tamamminrana. Bajikangngangi kasi-asia kala a'jari paballe-ballea.

PANGNGEBARANG 19:7

Tau kasi-asia nibalang parekangi ri sari'battanna, sarroangampa na ri aganna. Manna antekamma batena usaha takkulleai naalle pa'mai'na ke'nanga.

PANGNGEBARANG 26:12

Tau tolo dudua bajikangngang iji na tau nakanaya kalenna cara'de'.

PANGNGEBARANG 26:5

Pakkuta'nanna tau toloa musti nipiali tongi pappiali tolo, sollanna naasseng kalenna lapung tau akkuta'nanga angkana teai tucara'de' sangkamma napikkirika ri kalenna.

PANGNGEBARANG 3:7

Teako nanukana kalennu la'bi cara'dekangangko na sitojennaya; turuki Batara siagang pakabellai kalennu battu ri ja'dalaka.

YESAYA 5:21

Cilakako kau tau nukanaya kalennu cara'de' siagang sanna' porenu!

YEREMIA 32:39

LaKusarei ke'nanga poro se're bawang oloang mange ri katallassanga: iamintu, napakalompoA' satunggu-tungguna; anjo kammaya langngerangi kabajikang mae ri kalenna ke'nanga, siagang mae ri jari-jarina.

YEREMIA 45:5

Angngapa nuero' nipa'la'biangngang? Teako appakammai, Barukh! Sikontu umma' rupataua Kuhukkungi siagang bala, mingka ri sesena ikau, kaminang sike'de'na ikau lasalamakko. Manna kemae lampanu, latuli attallasakko. INakke, Batara, anne akkana.”

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MATIUS 26:11

Ia tau kasi-asia tuli lania'na ri ampi'nu, mingka iNakke tena Kutuli lania' ri ampi'nu.

LUKAS 14:13

Jari punna langnganre-nganreko, undammi tu kasi-asia, tu sala-salanga, tu pesoka, siagang tu butaya.

LUKAS 6:20

Naciniki ngasemmi ana'-ana' gurunNa Isa, nampa Nakana, “Mate'ne ngasengko tau kasi-asia, nasaba' ikaumi umma'Na Allata'ala!

LAMPA-LAMPANA 4:32

A'julu atimi siagang a'julu nyawa ngasemmi anjo sikontu tau tappaka. Punna nia' apa-apanna ke'nanga, tena manna sitau langkana anjo apa-apaya ia bawang pata. Sikontu apa niaka ri ke'nanga, napassama-samaimi napake.

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.

ROMA 15:5

Poro Allata'ala, akkullea assarei kasa'barrang siagang panynyaleori rupataua, antulung ngasengko sollannu akkulle a'julu ati, mannuruki ri katallassanNa Isa Almasi.

ROMA 6:2

Tantu tena! Nasaba' tenamo nanakoasaiki' dosaya. Jari apa saba'na natuli lanigaukang dosaya lalang ri tallasatta?

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

1 KORINTUS 3:18

Tea' laloko niakki antipui kalennu. Punna nia' tau ri tangnga-tangnganu nakana kalenna nia' pangngassenganna situru' pangngukkuru'na anne linoa, anjo taua musti a'jari dongoki, sollanna akkulle a'jari tau niaka tojeng pangngassenganna.

1 KORINTUS 4:10

A'jari tau dongo' maki' lanri Almasi, nanua'jari cara'de'mo tu Karistenga! Ikambe a'jari lamma maki', na ikau a'jari gassing mako! Ikambe nicalla maki' na ikau nipuji-puji mako!

1 KORINTUS 6:5

Punna kamma, teai sipato' appakasiri'-siri'na! Tantu nia'ja tu cara'de' ri tangnga-tangnganu ampakabajiki punna nia' para tu Karisteng assisala pahang!

1 KORINTUS 8:2

Punna nia' tau nakana kalenna jaimi apa-apa naasseng, sikontutojenna tenapa naasseng bajiki anjo apa-apaya.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

FILIPI 1:27

Jari, ia parallua kamma-kamma anne, iamintu musti attallasakko situru' apa nakaerokanga anjo Kabara' Bajika ri sesena Almasi. Jari, iaka nisigappa yareka tena, mingka lakulangngereki angkanaya majarrekko asse're, siagang lasiagang ngasengko anjama a'julu ero' siagang a'julu pattujuang; iamintu untu' katappakkang situru' anjo Kabara' Baji' battua ri Allata'ala.

FILIPI 3:16

Mingka anne passalaka parallui nuparhatikang, iamintu: Paralluki' tuli anturuki lalang ri tallasatta anjo paratorang le'baka nipinawang sa'genna kamma-kamma anne.

FILIPI 4:2

Ikau Euodia siagang Sintike, a'jari sari'battang bainea! Kupalaki ri kau sipa'rua sollannu a'julu ati, sangkamma tau assari'battanga lalang ri katappakkanga.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.

3 YOHANES 1:9

Le'ba'ma' annulisi' sike'de' sura' mae ri jama'aka, mingka anjo Diotrefes, eroka a'jari pamimping lalang ri jama'aka, taerokai ampilangngeria'.