ROMA 12:10 - KITTA' MATANGKASA'

¹⁰ Musti massing sikamaseang duduko sangkamma tau assari'battanga lalang se're balla'; kammayatompa massing sipirioloiko assare sallang.

ROMA 12:10 ပူးပေါင်းရင်းမြစ်များ

PA'JARIANG 13:9

Jari bajikangngangi punna assisa'lakki'. Pileimi bageang kereanga anne tampaka nungai. Punna a'lampa mangeko anjoreng, inakke a'lampa mangea' ri maraengannaya.”

AYUB 1:4

Anjo lapung tujua ana' bura'nena napa'biasai a'le'ba'-le'basa' massing appare' pa'gaukang ri balla'na. Na naundang todong anjo tallua ana' bainena Ayub mae ri anjo pa'gaukanga. Nampa assama ke'nanga angnganre siagang angnginung-nginung ngaseng.

PAMMUJI 133:1

Kelong siara battu ri Daud. Tamaka baji'na siagang sannanna, punna assiama' tallasa'na umma'Na Allata'ala!

YEREMIA 38:12

Nasuroa' Ebed-Melekh ampantamaki anjo kaeng-kaenga ri epaku untu' a'jari pa'ganjala', sollanna tena napa'risia' anjo otereka. Nakuturukimo anjo parentana Ebed-Melekh.

MATIUS 20:26

Mingka ikau takkulleako appakamma anjo. Passangalinna inai-nai ero' a'jari tau lompo parallui a'jari palayang.

LUKAS 14:10

Lanri kammana, punna niundangko, pileimi pammempoang riboko dudua. Sollanna battu patanna balla' angkana ri kau nakana, ‘Maeki', ri dallekangki' ri pammempoang bajika ammempo.’ Jari nipakala'biri' mako ri dallekanna sikontu toana maraenga.

YOHANES 15:17

Iaminne parentaKu ri kau: Sikama'-kamaseangko.”

YOHANES 17:21

Kupalaki ri Katte Bapa', sollanna a'jari se're ngaseng anne ke'nanga, sangkamma iKatte siagang iNakke yareka iNakke siagang iKatte se're tonjaKi'. Poro asse're ngasengi ke'nanga mae ri Katte, sollanna akkulle tappa' linoa angkana iKatte assuroA' battu ri lino.

LAMPA-LAMPANA 4:32

A'julu atimi siagang a'julu nyawa ngasemmi anjo sikontu tau tappaka. Punna nia' apa-apanna ke'nanga, tena manna sitau langkana anjo apa-apaya ia bawang pata. Sikontu apa niaka ri ke'nanga, napassama-samaimi napake.

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

FILIPI 2:3

Teako na lanri kaparalluang kalennu nanugaukang se'rea jama-jamang, yareka lanri ero'na nupattampo-tampoang kalennu. Mingka paralluko massing tuna pa'mai', nanucini' bajikangang taua na kalennu.

1 TESALONIKA 4:9

Tenamo naparallu ikambe antulisiki mae ri kau ri passala' antekamma batenu musti angkamaseangi sikamma sari'battang julu tappa'nu. Le'ba' mako niajara' ri Allata'ala sollannu massing sikamaseang.

2 TESALONIKA 1:3

Sikamma sari'battangku; tena tappu'na appala' sukkuru' ikambe mae ri Allata'ala lanri ikau ngaseng. Na memang, siratang memang tongi appala' sukkuru' ikambe, lanri pila' tappa' ngasengko mae ri Almasi, siagang pila' massing sikamaseangko.

IBRANI 13:1

Paralluki' tuli sikamaseang salaku tu Karisteng assari'battanga.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

2 PETRUS 1:7

Siagang sipa'rurunganna mannurukia ri ero'Na Allata'ala, musti nigannakki tongko sipa' mangngamaseang mae ri parannu tu Karisteng. Nampa parallu tongi nutambai anjo sipa' mangngamaseanga ri parannu tu Karisteng siagang sipa' mangngamaseang mae ri yangasenna taua.

1 YOHANES 4:11

Sikamma sari'battangku, sannaka kukarimangnginna; punna sanna' bateta nikamaseang ri Allata'ala, musti massing sikamaseang tongki'.

1 YOHANES 4:20

Punna nia' tau angkana, “Kukamaseangi Allata'ala,” mingka nakabirisi paranna tau, paballe-ballei anjo taua. Nasaba' inai-nai tena nakamaseangi paranna tau, iamintu nacinika matanna, tena olona lakkulle nakamaseang Allata'ala, ia tenaya naciniki.