ROMA 11:4 - KITTA' MATANGKASA'

⁴ Apa pappialinNa Allata'ala mae ri Na'bi Elia anjo wattua? Nakana Allata'ala, “Nia'mo Kuboli' tuju sa'bu tau untu' ri KalengKu. Tena le'bakapi ke'nanga anynyomba mae ri Rewata Baal.”

ROMA 11:4 ပူးပေါင်းရင်းမြစ်များ

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

1 KARAENG-KARAENG 19:18

Mingka nia' 7.000 tu Israel laKupasalama', iamintu sikamma tau tuli majarreka mae ri Nakke siagang tenaya nale'ba' su'ju' anynyomba ri patung Baal yareka nabaui.”

YESAYA 4:3

Sikamma tau ammantanga ri Yerusalem, iamintu tau nipilea ri Allata'ala untu' nipasalama', lanikanai tau matangkasa'.

YEREMIA 19:5

Appaentengi ke'nanga tampa' pakkoro'bangngang untu' Rewata Baal, untu' ampassareangi ana'-ana'na ke'nanga a'jari koro'bang nitunu, padahala' tale'bakai Kusuro ke'nanga anggaukangi anjo kammaya, ba'lalo anjo kammaya tale'bakai ammumba lalang ri pikirangKu.

HOSEA 13:1

Riolo nipakalompoi suku Efraim sa'genna punna nia' parenta battu ri anjo sukua, malla' ngasengi suku-suku maraenga ri Israel. Mingka dorakami suku Efraim lanri anynyombana ri Rewata Baal, lanri kammana anjo lalanynyaki.

HOSEA 2:8

Amma'nu tenamo naania' angkanaya iNakke assarei gandung, anggoro', minynya' zaitun, siagang sikontu bulaeng na pera' niaka napake untu' anynyomba ri anjo Rewata Baal.

ZEFANYA 1:4

LaKuhukkungi pandudu'na Yerusalem siagang sikontu Yehuda. Sesa-sesa panynyombanga mae ri Rewata Baal laKupa'lanynyaki battu ri anjo tampa'-tampaka. Imang-imang allayania mae ri Rewata Baal lanikaluppai taba sikali ngasengi.

PAMMILANGNGANG 25:3

Lanri anynyombana tu Israel ri Baal anjoreng ri Peor, larromi Batara mae ri ke'nanga.

PAOLE 4:3

Kalennu anciniki apa Nagaukanga Karaeng Allata'alanu ri Moncong Peor. Sikamma tau anynyombaya ri Baal anjoreng ri tampaka Naancuruki,