ROMA 11:34 - KITTA' MATANGKASA'

³⁴ Nia' tattulisi' lalang ri Kittaka angkanaya, “Maka inai akkulle angngassengi pikkiranNa Batara? Maka inai akkulle assarei pappakainga'?

ROMA 11:34 ပူးပေါင်းရင်းမြစ်များ

AYUB 15:8

Apaka nulangngereki Allata'ala ampareki rancanaNa? Apaka ikauji bawang ampatangi kacara'dekang rupataua?

AYUB 21:22

Maka akkullei rupataua angngajaraki Allata'ala na KalenNa Allata'ala angngadeli apa attallasaka ri suruga?

AYUB 36:22

U'rangi, angkana anjo Allata'ala tamaka lompona koasaNa. Maka nia' guru naagang sangkamma heba'Na?

YESAYA 40:13

Inai ampimpingi Batara, yareka angngajaraKi a'jari tumappakainga' mae ri Ia?

YEREMIA 23:18

Kukana, “Tena manna sitau battu ri sikamma anjo na'bi-na'bia angngassengi apa takkimbolonga lalang ri pikkiranNa Batara. Tena battu ri ke'nanga le'ba' allangngereki siagang ampahangi rancana-rancanaNa; tena todong amparhatikangi yareka anjampangi kana-kananNa.

1 KORINTUS 2:16

Nasaba' nia' tattulisi' lalang ri Kittaka angkanaya, “Maka inai akkulle ampahangi pikkiranNa Batara? Siagang inai akkulle ampakaingaki?” Mingka ikatte niaki pikkiranNa Almasi ri katte!