ROMA 11:31 - KITTA' MATANGKASA'

³¹ Kamma tomminjo mae ri anjo tu Yahudia. Kamma-kamma anne tamannurukiai ke'nanga mae ri Allata'ala, sollanna nipa'nyata angkanaya nipakabella mako battu ri kasalanga. Mingka anjo ke'nanga lanipakabella tongi sallang battu ri kasalanga.

ROMA 11:31 ပူးပေါင်းရင်းမြစ်များ

ROMA 10:16

Mingka tayangasenna taua antarimai anjo Kabara' Bajika. Nasaba' nakana Na'bi Yesaya, “O, Batara, inaika tau ampatappaki biritta napabattua ikambe?”

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

ROMA 11:30

Riolo tena ngaseng numannuruki mae ri Allata'ala. Mingka kamma-kamma anne Napa'nyatami Allata'ala angkanaya le'ba' mako nipata'lappasa' battu ri kasalanga, lanri tenana namannuruki tu Yahudia.

ROMA 11:32

Nasaba' le'ba'mi nibalang parekang ri Allata'ala nikoasai rupataua ri sipa' tamannurukia, sollanna akkulle Napappicinikang pangngamaseanNa mae ri yangasenna ke'nanga.