ROMA 11:30 - KITTA' MATANGKASA'

³⁰ Riolo tena ngaseng numannuruki mae ri Allata'ala. Mingka kamma-kamma anne Napa'nyatami Allata'ala angkanaya le'ba' mako nipata'lappasa' battu ri kasalanga, lanri tenana namannuruki tu Yahudia.

ROMA 11:30 ပူးပေါင်းရင်းမြစ်များ

ROMA 11:29

Nasaba' punna Napilei Allata'ala anjo taua siagang Nabarakkaki, tale'bakai Nabeso' ammotere' anjo apa le'baka Nagaukang.

ROMA 11:31

Kamma tomminjo mae ri anjo tu Yahudia. Kamma-kamma anne tamannurukiai ke'nanga mae ri Allata'ala, sollanna nipa'nyata angkanaya nipakabella mako battu ri kasalanga. Mingka anjo ke'nanga lanipakabella tongi sallang battu ri kasalanga.

ROMA 15:9

Napa'jari tommi Isa bansa-bansa maraenga appakala'biri' mae ri Allata'ala, lanri baji' pa'mai'Na Allata'ala mae ri ke'nanga. Nia' tattulisi' lalang ri Kittaka, angkanaya, “Lanri kammanami anjo nakulamammuji-muji mae ri Katte ri tangnga-tangngana bansa-bansaya, lamakkelonga' mammuji-muji mae ri arenTa.”

1 KORINTUS 7:25

Kamma-kamma anne passala'na tau tenayapa na'bunting. Ri sesena anne passalaka tena nakuanggappa parenta battu ri Batara. Mingka salaku tau akkullea nipatappa' lanri pangngamaseanNa Allata'ala, erokka' ampakaingakko.

2 KORINTUS 4:1

Lanri pangngamaseanNa Allata'ala nakkulle nagaukang ikambe anne jama-jamanga. Iaminjo saba'na natena natappu' panrannuang ikambe.

KOLOSE 3:7

Kalennu pole riolo nuturuki tongi sikamma anjo kacinnang kammaya, ri wattunnu nikoasai ri anjo sikammaya kacinnang.

1 TIMOTIUS 1:18

Anakku, Timotius! Kupappirannuangi anne jama-jamanga mae ri kau, lanri kuu'ranginna pappasanNa Allata'ala, napabattua na'bi-na'bia ri tangnga-tangngana jama'aka ri passala'na kalennu. Parallui nupa'jari sanrapang bokong anjo pappasanga, lalang jama-jamang bajika.

IBRANI 3:18

Ri wattunna assumpa Allata'ala Nakana, “Talantamayai ke'nanga ri tampa' pammari-mariangKu, sipammari-mariang siagang iNakke,” maka inai nataba anjo kananNa Allata'ala? Sai iami anjo tau ambaliai Allata'ala nataba?

1 PETRUS 2:10

Riolo teaiko umma'Na Allata'ala, mingka kamma-kamma anne umma'Na mako Allata'ala. Riolo tanikamaseangako ri Allata'ala; mingka kamma-kamma anne nutarimami pangngamaseanNa.