ROMA 11:3 - KITTA' MATANGKASA'

³ “O, Batara, nabunomi taua na'bi-na'biTa, siagang napanra'-panraki ngasemmi tampa'-tampa' eroka nipake assare koro'bang mae ri Katte. Inakke mami kale-kalengku ammantang, naero' tommo ke'nanga ambunoa'.”

ROMA 11:3 ပူးပေါင်းရင်းမြစ်များ

1 KARAENG-KARAENG 18:13

Apaka tenapa kilangngereki angkanaya ri wattunna nabuno Izebel na'bi-na'biNa Karaeng Allata'ala, nia' le'ba' kucokko 100 tau battu ri ke'nanga – 50 tau lalang se're kali'bong ri batua – siagang kusarei ke'nanga kanre siagang je'ne' inung?

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.