ROMA 11:24 - KITTA' MATANGKASA'

²⁴ Ikau teaiko bansa Yahudi, sanrapangko tangke-tangke battu ri poko' zaitun tenaya niparakai. Jari, punna ikau tenaya nacoco' sipa'nu, mingka akkulleko sanrapang nipacangko' mae ri anjo poko' zaitun aslia, la'biangampa pole anjo tu Yahudia sanrapanga tangke-tangkenna anjo poko' zaitun aslia. Tantu la'bi akkulleangangi Napoterang Allata'ala ke'nanga mae ri poko' zaitun kalenna todong ke'nanga.

ROMA 11:24 ပူးပေါင်းရင်းမြစ်များ

ROMA 11:23

Na ri passala'na anjo tu Yahudia, punna a'jari tappa'mo ke'nanga lanitarimami ke'nanga ammotere'; nasaba' makoasai Allata'ala antarimai ke'nanga ammotere'.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

ROMA 11:30

Riolo tena ngaseng numannuruki mae ri Allata'ala. Mingka kamma-kamma anne Napa'nyatami Allata'ala angkanaya le'ba' mako nipata'lappasa' battu ri kasalanga, lanri tenana namannuruki tu Yahudia.