ROMA 11:2 - KITTA' MATANGKASA'

² Tena! Tena naNapelaki umma'Na Allata'ala, le'baka Napile battu ri uru-uruna. Nuasseng ngasenji apa tattulisika lalang ri Kittaka, ri passala'na Na'bi Elia, ri wattunna natuntu' bansa Israelka mae ri Allata'ala. Nakana Na'bi Elia,

ROMA 11:2 ပူးပေါင်းရင်းမြစ်များ

PA'JARIANG 44:15

Nakanamo Yusuf, “Apa ngaseng anne nugaukanga? Apaka tena ngaseng nuassengi angkana inakke anne akkullei kuasseng ngaseng panggaukang ja'dala'nu lanri nia'na pangngassengangku?”

NEHEMIA 9:30

Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

PAMMUJI 94:14

Saba' talaNabokoiyai Batara umma'Na; talaNabawang-bawangngangiai pisaka Napatanga.

KALAPPASSANG 32:1

Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

YEREMIA 31:37

Ebara' angkana nia' se're wattu nakkulle niukkuru' langika, siagang akkulle nisalidiki dapara'na rawa buttaya, iaminjo wattua nalaKusorongboko Israel lanri sikontu panggaukang ja'dala'na ke'nanga. INakke, Batara, anne akkana.”

PAMMILANGNGANG 16:15

Teaimi sipato' larrona Musa siagang nakanamo mae ri Batara, “O Karaeng, tea' laloKi' tarimai passarena ke'nanga. Tena le'bakai nia' ri ke'nanga kupakarugi, manna pole sitau tania'; ba'lalo manna pole sikayua keledai tale'ba' nia' kualle battu ri ke'nanga.”

MARKUS 12:26

Na passala' attallasa' poleanna tau matea, tena le'bakapi nubaca lalang ri Kitta' Musa passala'na anjo rompo' a'rinraya? Lalang anjo ri Kittaka nia' tattulisi' angkanaya le'baki angkana Allata'ala ri Musa Nakana, ‘INakkemi Allata'alana Abraham, Allata'alana Ishak, siagang Allata'alana Yakub.’

LUKAS 4:1

Antama'mi RohNa Allata'ala ri KalenNa Isa ri wattunna assulu' battu ri Binanga Yordan. Nampa nipimping ri RohNa Allata'ala a'lampa mange ri parang lompoa.

YOHANES 4:11

Nakanamo anjo bainea, “Tena se'rotTa tuang, siagang anne bungunga teai sipato' lantanna. Battu kemaeKi' akkulle langgappa je'ne' katallassang?

LAMPA-LAMPANA 13:48

Ri wattunna nalangngere' tau battua ri bansa maraenga anjo kananna Paulus, sannang sikalimi nyawana ke'nanga. Ammuji-mujimi ke'nanga ri Batara. A'jari tappa'mi sikamma tau le'baka nipattantu ri Allata'ala langgappai katallassang satunggu-tunggua.

LAMPA-LAMPANA 15:18

le'baka Napabattu memang ri jammang riolo.”

LAMPA-LAMPANA 3:17

Sikamma sari'battangku ngaseng! Kamma-kamma anne kuassemmi angkanaya anjo apa nugaukanga siagang pamimping-pamimpinnu mae ri Isa, apa tena ngaseng nanupahangi nanugaukangi.

LAMPA-LAMPANA 7:40

Nakana ke'nanga mae ri Harun, ‘Papparekang maki' rewata maraenganga, sollanna napimpingki' anjo rewataya. Nasaba' taniassengami apa kajarianga ri anjo Musa, angngerangaki' assulu' battu ri Mesir!’

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

ROMA 9:23

Mingka ero' tongi ampappicinikangi mae ri katte kate'neang masukkuka, ia Napassareanga mae ri katte tau Nakamaseanga. Kamma-kamma anne Napasadia maki' untu' antarimai anjo kate'neanga.

ROMA 9:6

Tena nalakukana tenamo natappake janjinNa Allata'ala; mingka tena nasikontu bansa Israelka nipile ri Allata'ala a'jari umma'Na.

1 KORINTUS 6:2

Tenaka nanuassengi angkanaya umma'Na Allata'ala langngadeli anne linoa? Jari punna ikau memang langngadeli anne linoa, maka tanukulleai ampassilolongangi anjo parkara kammaya ca'dina?

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

FILIPI 1:22

Mingka, punna lanri attallasakku ri anne linoa nakkulle kugaukang jama-jamang la'bi niaka matu-matunna, takuassengami angkana kereanga lakupilei.

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.