ROMA 11:16 - KITTA' MATANGKASA'

¹⁶ Punna sikere' roti uru-urua nipassareammi mae ri Allata'ala, battuanna anjo roti sibatua nipassareang tommi mae ri Allata'ala. Na punna Allata'ala pata anjo aka'na poko' kayua, battuanna anjo tangke-tangkenna Ia todong pata.

ROMA 11:16 ပူးပေါင်းရင်းမြစ်များ

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

PANGNGEBARANG 3:9

Pakala'biriki Batara siagang assareko koro'bang kaminang bajika battu ri barang-barang wassele' buttanu,

YEREMIA 2:21

Kulamungko rapang poko' anggoro' Kupilea battu ri lamungang bajika. Mingka kamma-kamma anne amminra mako, a'jari lamung-lamung liara' siagang tenaya matu-matunna.

YEHEZKIEL 44:30

Sikamma imanga musti nisareangi bageang kaminang bajika battu ri sikontu wassele' alleang bungasaka, siagang battu ri apa-apa mamo nipassareanga mae ri Nakke. Punna appare' bansa Israel roti, anjo roti bungasa' nipareka musti untu' imanga. Jari laKubarakkaki ruma tanggana bansa Israel.

ROMA 11:17

Anjo tangke-tangkenna poko' zaitunga – iamintu pangngebaranna tu Yahudia – le'ba'mi nitoto sipa'rua. Nampa anjoreng ri bate le'baka nitoto nipaccangkokimi tangke poko' zaitun tenaya niparakai, iamintu pangngebaranna ikau bansa maraenga. Nipacangko' mako mae anjoreng sollanna nukasia' sikamma kabajikang battua ri katallassang rohanina tu Yahudia.

ROMA 8:23

Ba'lalo teai linoa bawang akkunrareng; passangalinna manna ikatte akkunrareng tongi lalang atinta. Le'ba'mi nitarima RohNa Allata'ala. Iaminjo passare uru-uruNa Allata'ala. Mingka attayangijaki', sollanna nilappassang todong sikontu batangkalenta ri Allata'ala siagang Napa'jariki' ana'-ana'Na.

1 KORINTUS 7:14

Nasaba' bura'ne tenaya natappa' a'jari nipassiratangi ri Allata'ala, a'jari umma'Na Allata'ala lanri pa'buntinganna siagang anjo baine a'jariamo umma'Na Allata'ala. Kammayatompa, anjo baine tenayapa natappa', akkullei a'jari nipassiratang a'jari umma'Na Allata'ala, lanri pa'buntinganna siagang anjo bura'ne a'jariamo umma'Na Allata'ala. Punna takammaya, anjo ana'-ana'na ke'nanga tantu la'jari sangkammai ana'-ana' kapereka, padahala' anjo ana'-anaka nipasanrapangi anggota umma'Na Allata'ala.

PAOLE 18:4

Wassele' bungasa'na gandunnu, je'ne' anggoro'nu, minynya' zaitunnu siagang bulu gimbala'nu, bageanna todong ke'nanga.

PAOLE 26:10

Lanri kammana, o, Batara, kupassareangi anrinni bageang uru-uruna wassele' kattoang kugappaya, mae ri Katte.’ Kammaminjo caranu ampassareangi anjo bakuka mae ri Karaeng Allata'alanu. Le'baki anjo, anynyomba mako mae ri Ia siagang

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.