ROMA 11:14 - KITTA' MATANGKASA'

¹⁴ Kuminasai nakuakkulle ampa'jari akkimburu bansaku mae ri bansa maraenga, sollanna akkulle a'jari saba' nakuakkulle ampasalamaki sipa'rua ke'nanga.

ROMA 11:14 ပူးပေါင်းရင်းမြစ်များ

PA'JARIANG 29:14

nakanamo Laban, “Kammatojengi, ikau bija ma'reppesekko ri nakke.” Ammantammi Yakub ri anjo ballaka sibulang sallona.

2 SAMUEL 19:12

Sai ikau ngaseng bija pammanakangku siagang kaluargaku? Angngapa naikau kaminang ri boko dudu ampalaki sollangku ammotere'.”

ROMA 10:19

Erokka' akkuta'nang pole: Maka tanaassengapi bansa Israelka anjo birittaya? Boli'mi kamma na Musa rolong ampiali anne pakkuta'nanga. Nakana Musa, “Kammaminne kananNa Allata'ala, ‘LaKupa'jari akkimburuko mae ri se'rea bansa tenaya naUmma'Na Allata'ala siagang laKupa'jari larroko mae ri se'rea bansa dongo'.’ ”

ROMA 11:11

Erokka' pole akkuta'nang: Ri wattunna tu'guru' tu Yahudia, maka lanri nikellaina panra' ke'nanga natu'guru'? Tena sikalia! Mingka lanri dorakana ke'nanga, ba'lalo nanipasalama'mo bansa maraenga, sa'genna a'jari akkimburumo bansa Yahudia mae ri anjo bansa maraenga.

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

1 KORINTUS 10:33

Pasangkammami bateku attallasa' batenu todong attallasa'. Inakke kuusahakangi sollanna sannang ngaseng taua mae ri nakke; mingka teai lanri nia'na kaparalluang kalengku kuboya. Iaji kuboya iamintu sollanna nipasalama' ngaseng ke'nanga.

1 KORINTUS 7:16

Nasaba' ikau salaku baine, iamintu baine tappakamo mae ri Batara, antekamma lakkulle nuasseng angkanaya ma'nassa takkulleai nupasalama' bura'nennu? Kammayatompa ikau salaku bura'ne Karistengamo, antekamma lakkulle nuasseng angkanaya ma'nassa takkulleai nupasalama' bainennu?

1 TIMOTIUS 1:15

Kontu tojengi anne bicaraya; jari siratangi nitarima siagang nipatappa' tojeng-tojeng, angkanaya: “Battui Isa Almasi antama' ri anne linoa untu' ampasalamaki tau dorakaya.” Na inakkemi anne tau doraka kaminang ja'dalaka.

1 TIMOTIUS 2:4

Eroki sollanna nipasalama' ngaseng rupataua siagang naasseng katojenganga.

1 TIMOTIUS 4:16

Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

FILEMON 1:12

Kamma-kamma anne kusuromi ammotere' mae ri kau anjo tu kukamaseanga, iamintu Onesimus.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

YAKOBUS 5:20

u'rangimi anne nakanaya Kittaka: Inai-nai ampoterangi tau dorakaya mange ri oloang tojenga, iami ampasalamaki nyawana anjo tau dorakaya battu ri kamateanga siagang a'jari saba' najai dosa nipammopporang. Sallangku, Yakobus